Ester 3 - Portuguese Creole Bible, Guinea-Bissau

Aman dadu pusison altu na renu

1Dipus de kusas, rei Asueru garandisi Aman, fiju di Amedata, di jorson di Agag, i subintil, i pul suma purmeru ministru.

2Tudu funsionarius ku staba na porton di rei e ta mpinaba e baŝa dianti di Aman, pabia asin ku rei daba ordi aserka del. Ma Mardokeu ka ta mpina nin baŝa.

3Utru funsionarius ku staba na porton di rei e punta Mardokeu: “Pabia di ke ku bu ta disobdisi ordi di rei?”

4Kada dia ku na pasa e ta papia ku el, ma i nega obi. E kontaDan 3.8-20; 6.13 Aman, pa jubi si palabras di Mardokeu pudi dadu roson, pabia i falaba elis kuma i sedu judeu.

5Kontra Aman oja kuma Mardokeu ka ta mpina nin baŝa si dianti, i paña raiba dimas.

6Oca i bin sibi kin ki pobu di Mardokeu, i njuti ideia di matal el son, ma i buska manera di kaba ku pobu di Mardokeu, ku sedu tudu judeus ku staba na tudu renu di Asueru.

Aman buska mata tudu judeus

7Na anu 12 di rei Asueru, na purmeru mis, ku sedu mis di Nisan, e bota Pur, ku sedu sorti, dianti di Aman, pa diskubri kal dia ku mis ku ta sedu bon. Sorti kai riba di mis di 12, ku sedu mis di Adar.

8Aman fala rei Asueru: “I ten un pobu ku pajiga na metadi di rasas na tudu pruvinsia di bu renu. E sta separadu; e tene leis diferenti di leis di tudu utru jinti; e ka ta kumpri ordisEsd 4.12-15; At 16.20-21; 24.5 di rei. Pabia di kila, i ka bali pena disa elis ku vida.

9Si rei konkorda, un lei ta skirbidu pa mata elis. Ami N na pui 340 tonolada di prata na kofri di rei pa omis ku fasi e tarbaju.”

10Asin rei tira anel di karimbuKap 8.2,8; Kum 41.42 na si dedu, i da Aman, fiju di Amedata, di jorson di Agag, inimigu di judeus,

11i falal: “Prata ku pobu, tudu i di bo; fasi ke ku bu misti ku elis.”

12Na dia 13 di purmeru mis e coma sekretarius di rei. E skirbi tudu ku Aman manda pa ŝefis di rei, ku gubernaduris di kada pruvinsia, ku regulus di kadaKap 1.22 pobu, pa kada pruvinsia konformi se manera di skirbi, pa kada pobu konformi se lingua. I skirbidu na nomiKap 8.10; 1 Re 21.8 di rei Asueru, i karimbadu ku anel di rei.

13Kartas mandadu na mon di kuriduris ofisial pa tudu pruvinsias di rei, pa da ordi pa distrui, pa mata, pa kaba ku tudu judeus, desdi nobu te na mas beju, mininusKap 8.11 ku minjeris, na un dia son, ku sedu dia 13 di mis di 12, mis di Adar, pa e toma tudu ki di selis.

14Un kopia di ki karta ten ku anunsiadu suma lei na kada pruvinsia; kada rasa ten ku toma kuñisimentu del, pa pudi sta purparadu pa ki dia.

15Asin, kuriduris ofisial bai kinti-kinti konformi ordi di rei. Ki lei anunsiadu na prasa fortifikadu di Susan. Rei ku Aman e sintaAm 6.6 pa bibi, ma prasa diKap 8.15; Dit 29.2 Susan staba na kunfuson.