Jeremias 5 - Portuguese Creole Bible, Guinea-Bissau

Pekadu di Jerusalen

1“Bo yanda-yanda na ruas di Jerusalen,

bo jubi, bo buskaEz 22.30 sibi;

bo buska na kaus di nkontru na prasa,

si bo ta oja, nin si i un algin, ku na fasi ben,

i na buska bardadi.

Si bo pudi, ami N na purdaKum 18.26-32 Jerusalen.

2Mesmu ke fala: ‘N jurmenta pa vida di SIÑOR,’

se juramentuKap 4.2 i ka ta sedu bardadi.”

3O SIÑOR, i ka bardadi ku bu uju na buska?

Bu suta elis ma e ka sinti dur.

Bu masa elis ma e ka mistiKap 2.30; Is 1.5; 9.13; Dan 9.13; Sof 3.2 kuriẑidu.

E pui se korson duru mas di ki pedra,

e nega ripindi.

4N pensa: “E jinti i son koitadis, e ka jiru,

pabia e ka kunsi kamiñuKap 8.7 di SIÑOR,

nin kusa ku se Deus misti pa e fasi.

5N na bai pa garandis, N na papia ku elis,

pabia elis e kunsiMik 3.1 kamiñu di SIÑOR,

ku ke ku se Deus misti pa e fasi.”

Ma esis tudu juntu e kebrabaKap 2.20; Sal 2.3 korenti,

e sapa korda.

6Pabia di kila un lionKap 4.7; Os 13.7; Ab 1.8; Sof 3.3 di matu na ataka elis;

un lubu di lala na mata utrus;

un leopardu na monta mboskada na se prasas;

kualker algin ku sai i na sapa-sapadu,

pabia se pekadus na buri son,

no ka pudi konta kantu bias ke disvia.

7“Kuma ku N pudi purdau?

Bu fijus e disan,

e ta jurmenta na nomi di kilis ku ka seduJos 23.7; Sof 1.5; Gal 4.8 deusis.

N da elis tudu ke pirsisa,

ma e bai fasi pekadu seksual;

e bai junta na grupu

na kasa di minjeris di mau vida.

8E sedu suma kabalus ku farta diritu,

ku ta lanta parmaña,

e cora, kada un pa minjerKap 13.27; Ez 22.11 di si kumpañer.”

9SIÑOR punta: “Nta N ka na kastiga elisKap 5.29; 9.9 pa e kusas?

N ka dibi di torna vingansa pa un nason suma es?

10N na da ordi pa inimigus pa e pasa na orta di pe di uva,

pa danal, ma pa ka e kaba ku el tudu.

N na fala elis pa e tira si ramus

pabia e ka sedu di SIÑOR.

11Pobu di Israel ku pobu di Judá

e sedu infielKap 3.20 pa mi.”

Asin ku SIÑOR fala.

12E nega SIÑOR, e fala: “I ka na fasi nada. Nin malKap 14.13 ka na bin riba di nos; no ka na oja spada ku fadi fomi.

13Te anunsiaduris e sedu bentu son; palabra ka sta nelis. Tudu ke na fala i na torna riba di se kabesa.”

14Pabia di kila, SIÑOR Deus ku ten tudu puder i fala: “Jeremias, suma ke fala e palabra, ami N na torna ña palabra na bu bokaKap 1.9; 20.9; 23.29; Apok 11.5 suma fugu. E pobu na bida leña ku na kemadu.”

15SIÑOR fala: “Pobu di Israel, N na tisi un nasonKap 1.15; 6.22; Lei 28.49 di lunju kontra bos, un nason antigu, forti, ku bu ka obi se lingua, bu ka na ntindi ke ke na fala.

16Mortu sta na se saku di fleŝas; elis tudu e sedu omis forti.

17E na kume bu keburLei 28.30-33 ku bu kumida; e na nguli tudu bu fijus femia ku macu; e na kume bu karnel ku bu bakas, bu uvas ku bu figus. Ku spada e na bati tudu bu prasas forti ku bu fiansaba nel.”

18SIÑOR fala: “Na ki dias N ka na kabaKap 5.10; 4.27; 30.11 ku bos tudu.

19Ora ke puntau: ‘Ke ku mandaKap 13.22; 16.10-12; Lei 29.24-27; 1 Re 9.8-9 SIÑOR no Deus fasinu tudu e kusas?’ bu na fala elis: ‘Suma ku bo disa SIÑOR, bo bai sirbi deusis stranjeru na bo propi tera, asin bo na sirbi stranjerusLei 28.47-48 na tera ki ka di bos.’

20“Bo konta e kusa pa fijus di Jakó, bo pui Judá pa i obil:

21Abos, pobu tulu ku ka ten ntindimentu, ku tene ujuIs 6.9 ma bo ka na oja, ku tene oreja ma bo ka ta obi, bo sukuta e kusa.”

22SIÑOR punta: “Bo ka ten meduApok 15.4 di mi? Bo ka ta tirmi ña dianti? I ami ku pui reia pa i sedu fronteraJo 26.10; Dit 8.28-29 ku mar, un barera pa sempri ku mar ka pudi pasa. Maron pudi lanta ma i ka pudi kamba riba del. Nin si i somna, i ka pudi pasa frontera.

23Ma e pobu tene korson ntemus, disobdienti. E vira, e bai.

24E ka ta fala ku se kabesa: ‘No rispita SIÑOR no Deus ku ta danu cubaKap 14.22; Kum 8.22; Lei 11.14; Joe 2.23; Mat 5.45 na kumsada ku kabantada di si tempu, i ta guardanu semanas markadu pa kebur.’

25Bo maldadi disvia bos e kusas; bo pekadus tuji bos e kusas bon.

26“Na metadi di ña pobu i ten omis mau; kada un na yanda, i na montia, suma ku omi ta montiaDit 1.11,17-18 kacus; i ta pui armadilia pa paña omis.

27Suma ku gaiola ta inci ku kacus, asin ku se kasas inci nganu. E ku manda e torna forti i riku.

28E takaLei 32.15 tok peli na lampra; kusas mau ke fasi i pasa limiti. E ka ta difindiIs 1.23; Zak 7.10 pa orfans, pa kusas pudi bai diritu ku elis, nin e ka ta difindi pa koitadis pa e ten se diritu.”

29SIÑOR punta: “Nta N ka na kastiga elisKap 5.9 pa e kusas? N ka dibi di torna vingansa pa un nason suma es?

30Kusa meduñuKap 18.13; Os 6.10 ku ta pantanda i na fasidu na tera.

31Anunsiaduris na anunsiaKap 7.8; 14.13-14; 23.16; 27.14; 29.9; Mis 2.14; Ez 13.2,6 mintida, saserdotis na manda ku forsa di anunsiaduris. I kila propi ku ña pobuIs 30.10; Mik 2.11 misti, ma ke ku bo na fasi ora ku e kusas ciga na kabantada?

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help