Amos 3 - Portuguese Creole Bible, Guinea-Bissau

Maldadi di Israel

1Pobu di Israel, bo obi e palabra ku SIÑOR papia kontra bos, kontra tudu familia ku N tira di tera di Ejitu.

2“Di tudu familias na mundu, abos son ku NLei 7.6; 10.15 kuji; e ku mandaRom 2.9; Eb 12.6; 1 Ped 4.17; Apok 3.19 N na kastiga bos pa tudu bo pekadus.”

3Nta dus ta yanda juntu si e ka pui na un son?

4Lion ta somna na matu si i ka oja kusa di kume? Lion nobu ta pupa na si koba si i ka paña nada?

5Kacu na kai na armadilia na con si iska ka pudu pa el?

Armadilia ta salta di con sin i ka paña nada?

6Si kornetaEz 33.3 tokadu na prasa, pobu ka ta tirmi?

Mal ta binIs 45.7 pa prasa si SIÑOR ka mandal?

7Ku sertesa SIÑOR Deus ka ta fasi nada

sin i ka mostra si planuKum 6.13; 18.17; Dit 3.32; Jon 15.15 pa si servus, anunsiaduris.

8Lion somna; kin ku ka na medi?

SIÑOR Deus papia ja; kin ku ka na anunsiaAt 4.20; 5.20-21; 1 Kor 9.16 si rekadu?

9Bo anunsia na kuartelis di Asdod ku di tera di Ejitu, bo fala: “Bo junta riba di montis di Samaria, bo oja garandi jumbulumani ku splorason ku sta la na prasa.”

10SIÑOR fala: “E ka sibiJer 4.22 fasi kusa retu; e inci se palasius ku kusas ke toma ku violensia.”

11E ku manda SIÑOR Deus fala asin: “Un inimigu na bin2 Re 17.3-6; 18.9-11 taja bu tera, i na bati bu kau forti, i na roba tudu kusa na bu palasius.”

12Asin ku SIÑOR fala: “Suma ku bakiadur ta libra1 Sam 17.35 na boka di lion son dus os di perna ku un padasiñu di oreja, asin ku fijus di Israel na libradu, kilis di Samaria ku sinta na ladu di kama o na kantu di divan.”

13SIÑOR Deus, Deus ku ten tudu puder, i fala: “Bo obi, bo avisa pobu di Jakó.

14Na dia ku N kastiga Israel pa si pekadus, N na kaba ku altaris di Betel tambi; pontas di altar na kortadu, e na kai na con.

15N na bati kasa di tempu di friu ku kasa di tempu di kalur; kasas diŜef 3.20; Jer 36.22 marfin ku utru kasas garandi e na kabadu ku el.” Asin ku SIÑOR fala.