1Jeosafá,1 Kron 3.10; Mat 1.8 fiju di Asa, i toma si lugar di renansa, i fortifika kontra Israel.
2I pui tropas na tudu prasas forti di Judá, i pui kuartelis na tera di Judá suma tambi na prasas di Efrain ku si pape Asa tomaba.
3SIÑOR staba ku Jeosafá, pabia i yanda na kamiñu ku Davi, si pape, yandaba nel; i ka miti na kusas di Baal,
4ma i buska Deus di si pape, i yanda konformi si mandamentus; i ka fasi kusas ku Israel ta fasiba.
5SIÑOR konfirma renansa na si mon. Tudu Judá tisi pursentis1 Sam 10.27 pa Jeosafá; i bin ten manga di rikesa ku rispitu.
6I ntrega si korson pa yanda na kamiñus di SIÑOR, i dana ki kaus altu na Judá, ku ki idulusKap 19.3 di Aserá.
7Na terseru anu di si renansa i manda si ŝefis Ben-Ail, Obadias, Zakarias, Netanel ku Mikaias, pa e ba ta nsinaKap 15.3; Sir 10.8,11 na prasas di Judá.
8Utru levitas bai ku elis, ku sedu Semaias, Netanias, Zebadias, Asael, Semiramot, Jonatas, Adonias, Tobias ku Tob-Adonias; saserdotis Elisama ku Jeoran e staba ku elis tambi.
9E leba libru di leiLei 31.11-13; Jos 1.8; At 15.21 di SIÑOR, e yanda na tudu prasas di Judá, e na nsina pobu.
10SIÑOR pui si medu riba di tudu nasons ku staba na roda di Judá; asin e ka lantanda gera kontra Jeosafá.
11Utru filisteus tisi pursentis pa Jeosafá, fora di prata pa paga mpustu. Jinti di Arabia e tisil limarias — 7.700 karnel macu ku 7.700 kabra macu.
12Asin, Jeosafá ngaña puder kada bias mas, i kumpu kuartelis ku prasas di armazens na Judá.
13I rakada manga di feramentu di gera na prasas di Judá. Na Jerusalen i pui omis ku ten spiriensia di gera,
14reẑistadu konformi familias di se papes. Adna seduba ŝef di tropas di familias di Judá, ku trizentus mil omi di gera na si konta.
15Sugundu ŝef seduba Joanan, ku duzentus i oitenta mil;
16dipus, Amasias, fiju di Zikri, ku duzentus mil omi di gera. (Amasias ofrisi di si libri vontadiŜef 5.2,9; 1 Kron 29.14,17 pa sirbi SIÑOR.)
17Ŝef di tropas di familias di Benjamin i seduba Eliada, omi di koraẑen, ku tenba konta di duzentus mil omi, yarmadu ku mansasas ku tajaderas.
18Si sugundu i seduba Jeozabad, ku staba riba di sentu i oitenta mil omi yarmadu pa gera.
19Esis e staba na sirvis di rei, fora di kilis ku rei pui na tudu prasas forti di Judá.
Who We AreWhat We EelieveWhat We Do
2025 by iamachristian.org,Inc All rights reserved.
