Sirmonias 7 - Portuguese Creole Bible, Guinea-Bissau

Lei di oferta pa kulpa

1“Es i lei di oferta pa kulpaKap 5; 6.1-7,17; 14.12-13; 19.21-22; Num 6.12; Ez 40.39; 42.13; 44.29; 46.20 ku sedu un kusa sagradu dimas.

2Na kau nunde ku limaria ta matadu pa oferta kemadu, la ku limaria di oferta pa kulpa na matadu tambi; si sangiKap 1.5 na wagadu na tudu ladu di altar.

3Tudu si gurduraKap 3.3 na pursentadu: rabu, gurdura ku na kubri partis di dentru,

4tudu dus rin ku gurdura ku sta nelis, pertu di lumbu, ku parti ku sta riba di figadu, ku ta tiradu juntu ku rins.

5Saserdoti na kemal riba di altar suma oferta kemadu pa SIÑOR. I oferta pa kulpa.

6Kualker macuKap 6.18 na familia di saserdotis pudi kumel, ma i ten ku kumel na un kau sagradu. I sedu un kusa sagradu dimas.

7“Suma oferta pa pekadu, asin ku oferta di kulpa na sedu tambi; elis dus e na tene mesmu lei. I na sedu di saserdoti ku fasi sakrifisiu ku el.

8Saserdoti ku sakrifika oferta kemadu di algin, ki mesmu saserdoti na fika ku kuruKum 3.21 di ki limaria,

9suma tambi tudu oferta di kumida ku kusñadu na furnu,Kap 2.4-7 ku tudu ku purparadu na panela o na kaleron, i na sedu di saserdoti ku pursental.

10Tudu oferta di kumida ku masadu ku azeiti, o ku seku, i na rapatidu, sin diferensa, pa tudu fijus di Aron.

Lei di oferta di pas

11“Es i lei di oferta di pasKap 3; 19.5-8 ku algin pudi pursenta pa SIÑOR.

12Si i pursental pa fala DeusKap 22.29; 2 Kron 29.31; 33.16; Sal 50.14; 107.22; 116.17; Luk 17.16; Ef 5.20; 1 Tes 5.18; Eb 13.15 obrigadu, juntu ku limaria di sakrifisiu di gardisimentu, i na pursenta tambi bulus sin fermentu ku masadu ku azeiti, ku bolaŝas finu sin fermentu untadu azeiti, ku bulus di foriña finu masaduKap 2.4; Num 6.15 ku azeiti, i fritadu.

13Juntu ku ki bulus i na pursenta pon kumpuduAm 4.5 ku fermentu, tudu ku ki limaria pa oferta di pas di gardisimentu.

14I na leba un son di kada koldadi, i pursental suma oferta pa SIÑOR; i na sedu di saserdoti ku toma sangi di oferta di pas, i wagal na altar.

15Karni di oferta di pas pa gardisi Deus i na kumedu na diaKap 22.30; Sai 12.10 ki pursentadu; i ka pudi disadu te parmaña.

16“Ma si si oferta di pas i pabia di un votu,Kap 22.18-20; 23.38; Num 15.3; Lei 12.6,11,17,26; Sal 66.13; 116.14,18 o i na pursental di si libri vontadi, karni di sakrifisiu na kumedu na dia ki pursental. Kil ku sobra del, i na kumel na sugundu dia.

17Kualker karni di sakrifisiu ku sobra te na terseru dia i na kemadu na fugu.

18Si karni di ki sakrifisiu di pas kumedu na terseruKap 19.5-8 dia, Deus ka na seta ki algin ku pursental. Si oferta ka na ojadu na si fabur; i na tomadu suma kusa nujenti. Ki algin ku kume kualker parti del i na leba si kulpa.

19“Karni ku toka na algun kusaKap 11; Num 19.11-16; At 10.15,28; Rom 14.14-20; 2 Kor 6.17; Titu 1.15 impuru, i ka na kumedu; i na kemadu ku fugu. Utru karni, kualker algin ku sta puru i pudi kumel.

20Si algin impuru1 Kor 11.28-29 kume karni di oferta di pas ku sedu di SIÑOR, ki algin na tiradu na metadi di si pobu.

21Si algin toka na un kusaKap 5.2-3 impuru, di omi o di limaria, o kualker utru kusa nujenti o impuru, i bin kume ki karni di oferta di pas ku sedu di SIÑOR, ki algin na tiradu na metadi di si pobu.”

Deus tuji kume gurdura ku sangi

22Dipus, SIÑOR fala Moisés

23pa i papia ku fijus di Israel, i fala elis: “Nin gurduraKap 3.3 di turu, nin di karnel, nin di kabra, bo ka na kume.

24Gurdura di un limaria ku muri i pudi usadu pa utru kusa, suma tambi un ku limaria brabu mata, ma di nin un manera bo ka pudi kume ki gurdura.

25Un limaria ku un parti del i pursentadu pa SIÑOR suma oferta kemadu, algin ku kume si gurdura i na tiradu na metadi di si pobu.

26Kualker kau ku bo mora, bo ka na kume sangiKap 3.17 di kualker kacu o limaria.

27Kualker algin ku kume sangi, i na tiradu na metadi di si pobu.”

Kiñon di saserdoti

28SIÑOR torna fala Moisés

29pa i papia ku fijus di Israel, i fala elis: “Kualker algin ku tisi SIÑOR oferta di pas, i na tira parti suma sakrifisiu pa SIÑOR.

30Ku si propi mon i na tisil suma oferta kemadu pa SIÑOR. I na tisi gurdura tudu ku pitu, ki na sana ku el dianti di SIÑOR, suma oferta di sana.

31Saserdoti na kema gurdura riba di altar,Kap 7.34; 3.5,11,16; 8.29 ma pitu na sedu di Aron ku si fijus.

32Bo ten ku da saserdoti si parti di oferta di pas, ku sedu perna direita di ladu di tras di limaria.

33Fiju di Aron ku pursenta sangi ku gurdura di oferta di pas, el ku na tene ki perna direita suma si kiñon.

34N tira di ofertas di pas di fijus di Israel ki pitu ku sanadu ku el,Kap 9.21; 10.14; Sai 29.27; Lei 18.3; 1 Kor 9.13-14 ku perna direita ku pursentadu, N da elis pa saserdoti Aron ku si fijus suma se kiñon. Es i lei di fijus di Israel pa sempri.”

35Na dia ku Aron ku si fijus pursentaduKap 8; Sai 40.12-16 pa sirbi SIÑOR suma saserdotis, lei dadu kuma e ten ku dadu sempri ki parti di oferta kemadu pa SIÑOR.

36Na dia ke unjidu, SIÑOR da ordi pa fijus di Israel, ku se jorson ku na bin, pa e da saserdotis ki partis suma se diritu pa sempri.

37Es i lei di oferta kemadu, oferta di kumida, oferta pa pekadu, oferta pa kulpa, oferta paKap 6.19-23; 8.22 konsagrason, ku oferta di pas.

38SIÑOR da Moisés e leis na monti Sinai, na dia ki manda fijus di Israel pa e tisi se ofertas pa SIÑOR, na lala di Sinai.