2 Samuel 14 - Portuguese Creole Bible, Guinea-Bissau

Absalon riba pa Jerusalen

1Joab, fiju di Zeruia, nota kuma rei puiba ja sintidu na Absalon.

2I manda tisi un minjer jiru na Tekoa,1 Kron 2.24; 2 Kron 11.6; 20.20; Ne 3.5,27; Jer 6.1; Am 1.1 i falal: “Finji kuma bu sta di lutu, bu bisti ropa pretu; ka bu unta azeiti; bu na fasi suma un minjer ku, disna di manga di tempu, i na cora algin ku muri.

3Bu ta yentra nunde rei, bu falal e palabra.” Asin Joab kontal ke ki na bai fala.

4Ki minjer di Tekoa bai pa rei, i mpina ku rostu na con, i falal: “Ñu Rei, judan!”

5Rei puntal: “Ke ku bu tene?” Minjer falal:Kap 12.1 “Na bardadi, ami i viuva, suma ku ña omi muri.

6N teneba dus fiju. Un dia e geria na lugar; i ka ten kin ku na rapati elis. Asin un son mata si kumpañer.

7Gosi tudu familia lanta kontra mi, e falan pa N ntrega elis kil ku mata si ermon, pa e matal tambi pa vinga vidaNum 35.19; Lei 19.12 di si ermon ki mata. Asin e misti kaba ku yarderu tambi; e na paga ki un brasa ku N teneKum 27.45 ku na yardi inda; e na disa ña omi sin fiju pa kontinua si nomi ne mundu.”

8Rei fala minjer: “Riba pa bu kasa; N na da ordi aserka di bo.”

9Minjer di Tekoa fala rei: “Ñu Rei, si algin fala di injustisa, kulpa ta kai riba di mi, ku familia di ña pape; rei ku si tronu ta fika libri di kulpa.”

10Rei falal: “Si algin fala kualker kusa kontra bo, bu ta tisin el; nunka mas i ka na ŝatiau.”

11Minjer falal: “Ñu Rei ta pidi SIÑOR si Deus pa vingaduris di sangi ka buri mal riba di mal, pa bin kaba ku ña fiju.” Rei falal: “N jurmenta pa vida di SIÑOR kuma nin un kabelu1 Sam 14.45 ka na kai na kabesa di bu fiju.”

12Minjer falal: “N pidi Ñu Rei pa i da si serva lisensa pa i fala mas un palabra.” Rei falal: “Papia.”

13Minjer puntal: “Nta pabia di ke ku bu na pensa fasi kusa suma es kontra pobu di Deus? Pabia e palabra ku bu kaba papia i ta tornau kulpadu, manera ku bu ka torna tisi kil ku bu serka.

14Sertesa kuma no na muri, suma yagu darmadu na con ku ka pudi juntadu mas, ma Deus ka na tira vida; i na ranja manera pa kil ku serkadu na si tera ka fika la lunju del.

15“N bin papia e palabra ku Ñu Rei pabia jinti mitin medu; asin N fala kuma N na bai fala ku rei; talves i ta fasi kil ku N pidil.

16N pensaba kuma rei ta obin, i libran na mon di ki omi ku misti kaba ku mi juntu ku ña fiju, pa tiranu na yardansa ku Deus danu.

17N kuda tambi kuma palabra di Ñu Rei na dan diskansu, pabia Ñu Rei i suma un anjuKap 14.20; 19.27; 1 Sam 29.9 di Deus ku ta rapara ben ku mal. SIÑOR bu Deus ta sta ku bo.”

18Rei ruspundi i fala minjer: “N na fasiu purgunta, ma bu ten ku kontan tudu bardadi.” Minjer falal: “Ñu Rei pudi punta.”

19Rei puntal: “Nta i ka bardadi kuma Joab sta bu tras ne kusas tudu?” Minjer ruspundi i falal: “N jurmenta pa vida di Ñu Rei kuma ningin ka pudi vira pa direita nin pa skerda pa kapli di ruspundi purgunta di rei. Na bardadi i bu ŝef Joab ku dan ordi; i el ku pui tudu e palabra na boka di bu serva.

20I fasil pa i pudi minjoria manera ku kusas na kuri, ma Ñu Rei i jiru suma anju di Deus; i ta sibi tudu ku na pasa na tera.”

21Mas tardi, rei fala Joab: “I sta bon; N na fasi kil ku bu misti. Bai bu bai tisi Absalon.”

22Joab mpina ku rostu na con, i gardisi rei i falal: “Aos N sibi kuma N oja fabur dianti di Ñu Rei, pabia rei seta pididu di si servu.”

23Asin Joab lanta, i bai pa Jesur, i tisi Absalon pa Jerusalen,

24ma rei fala: “I ten ku bai pa si propi kasa; i ka na oja ña rostu.” Asin Absalon bai pa si kasa; i ka oja rostu di rei.

Absalon pui pas ku Davi

25Na tudu Israel i ka tenba omi ku ta ngabadu pa si bonitasku suma Absalon. Disna di planta di pe te na kabesa i ka teneba nin un difeitu.

26I teneba manga di kabeluKap 18.9 ku ta fikal pisadu; e ku manda, na fin di kada anu, i ta tiral. Ora ku kabelu tiradu, i ta pesa mas di ki dus kilu, konformi pesu di reis.

27Absalon teneba tris fiju macuKap 18.18 ku un femia comadu Tamar, ku seduba minjer bonitu.

28Absalon fika na Jerusalen dus anu ntidu, sin oja rostu di rei.

29I manda coma Joab pa mandal nunde rei, ma Joab ka seta bai kudil. I manda comal sugundu bias, ma i ka seta bai.

30Absalon fala si servus: “Bo bai pui fugu na ki parti di lugar di Joab ku tene dividimentu ku di mi, nunde ki ten sevada.” Servus bai e pui fuguŜef 15.4-5 na ki parti di lugar.

31Joab lanta i bai pa kasa di Absalon, i puntal: “Pabia di ke ku bu servus pui fugu na ña lugar?”

32Absalon fala Joab: “Jubi, N manda comau, N falau pa bu bin pa N mandau nunde rei pa puntal: ‘Ke ku manda N bin di Jesur? I minjor pa N sta la inda.’ Gosi, N misti oja rostu di rei. Si N ten kulpa, i pudi matan.”

33Asin Joab bai nunde rei, i kontal ke ku Absalon fala. Rei manda coma Absalon; kila bai nunde el, i mpina si dianti ku rostu na con. Rei beẑa Absalon.