1 Timótiu 4 - Portuguese Creole Bible, Guinea-Bissau

Pursoris falsu

1Spiritu fala klaru kuma, na fin de tempu, utru jinti na nega fe; e na fia na spiritus2 Ped 2.1; Apok 9.20 munturus, ku nsinamentu di dimonius,

2spajadu pa jinti ku ta konta mintidaMat 7.15; Rom 16.17-18; Ef 4.19; 2 Ped 2.3 pa ngana utrus; se konsiensia kingiti suma kil ku kema.

3E ta tujiDit 18.22; 1 Kor 7.28; 8.8; Kol 2.20-21; Eb 13.4 kasamenti; e ta pruibi kume utru kusas, kontudu Deus kumpu ki kusas, pa krentis, ku kunsi bardadi diritu, pudi fala Deus obrigadu, e kume.

4Tudu kusaKum 9.3; Rom 14.2,14,20 ku Deus kumpu i bon. Nada ka dibi di negadu, ma i ta risibidu ku gardisimentu,

5pabia palabra di Deus ku orason ta fasil sagradu.

Servu fiel na tarbaju

6Si bu da e nsinamentu pa ermons, bu na sedu bon servu di Kristu Jesus. Abo propi2 Tim 3.14-15 bu na alimenta ku palabra di fe, ku bon nsinamentu ku bu na sigi.

7Libra di storiasKap 1.4 di mundu suma kilis ku minjeris beju ta konta. Kontinua na bu disiplina di vida spiritual.

8Trenamentu di kurpu1 Kor 9.25 i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

9Es i palabraKap 1.15 ku bu dibi di fia nel, ku mersi setal ntidu,

10kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

11Da elis e ordi ku nsinamentu.

12Ka ningin lebsiu1 Kor 16.11; Titu 2.7,15; 1 Ped 5.3 suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

13Te ora ku N bai, pega tesu na lei Skritura dianti di jinti, bu konsija, bu nsina.

14Ka bu diskuda ku donKap 1.18; At 6.6; 2 Tim 1.6 ku sta na bo, ku Deus dau oca ku anunsiaduris papia, presbíterus pui mon riba di bo.

15Pui sintidu ne kusas, bu pega tesu nelis, pa tudu jinti pudi oja kuma ku bu na bai dianti.

16Toma sintidu ku bu kabesa, ku kil ku bu na nsina. Kontinua ne kusas, pabia si bu na fasi asin, bu ta salba buEz 33.9; At 20.28 kabesa, ku kilis ku na obiu.