1I staba la un omi malvadu comadu Seba, fiju di Bikri, di jorson di Benjamin. Kila toka korneta i fala: “No ka tene partiKap 19.43; 1 Re 12.16 na Davi, nin no ka ten nada ku fiju di Jesé! Israel! Kada kin pa si kau!”
2Asin tudu omis di Israel bandona Davi, e bai tras di Seba, fiju di Bikri, ma omis di Judá fika ku rei, e kumpañal disna di Jordon te na Jerusalen.
3Oca ku Davi ciga na si kasa na Jerusalen, i toma ki des kumadriKap 15.16 ki fikaba pa guarda kasa, i pui elis na utru kasa aparti, bas di guarda. I fika i na sustenta elis, ma i ka dita ku elis. E fika ficadu la suma viuvas te dia di se mortu.
4Rei fala Amasa:Kap 17.25 “Juntan omis di Judá pa e sta li ermon di amaña; abo tambi bu ta bin pursenta li.”
5Amasa sai pa bai junta Judá, ma i tarda tok i pasa tempu ku rei falalba.
6Rei fala Abisai:1 Sam 26.6 “Gosi Seba, fiju di Bikri, i na danu mas kansera di ki Absalon! Leba ña guardas, bu bai si tras, pa i ka bin toma konta di utru prasas forti, i kaplinu.”
7Asin omis di Joab, ku kereteusKap 8.18 ku peleteus, ku tudu omis balenti, e bai ku Abisai tras di Seba, fiju di Bikri.
8Oca ke ciga na ki pedra garandi ku sta lungu di Jibeon, Amasa bin pa elis. Joab bistiba si ropa di gera, ku sintu na rabada ku teneba spada na baiña. Oca ki toma pasu pa dianti, spada sai na baiña.
9Joab fala Amasa: “Ña ermon, bu sta bon?” I pega barba di Amasa ku si mon direitaSal 55.21; Mat 26.48-49 pa beẑal.
10Amasa ka staba purparadu pabia i ka nota pa spada ku Joab teneba na mon; asin Joab fidil ku el na bariga tok tripa kai na con. I ka torna fidil mas pabia i muriba ja. Dipus Joab ku si ermon Abisai pega tras di Seba, fiju di Bikri.
11Un di omis di Joab para lungu di Amasa, i fala: “Kin ku sta na fabur di Joab ku Davi, pa i pega tras di Joab.”
12Amasa dita na si sangi na metadi di kamiñu. Ki omi oja kuma kada kin ku ciga la i ta para; i rasta kurpu di Amasa na kamiñu pa matu, i kubril ku panu.
13Dipus ku kurpu tiradu na kamiñu, tudu omis kontinua tras di Joab pa serka Seba, fiju di Bikri.
14Seba pasa na con di tudu jorsons di Israel te na Abel,1 Re 15.20; 2 Re 15.29 ku sedu Bet-Maaka, tambi na tudu con di beritas. Tudu jinti junta, e bai si tras.
15Tudu tropas di Joab ciga, e taja Abel di Bet-Maaka, e lantanda rampa kontra parti di fora di mura di prasa, e fika e na maja mura pa i pudi kai.
16Un minjer jiru ku staba dentru di prasa grita, i fala: “Bo obi de! Bo obi de! Bo fala Joab pa i ciga li pa N pudi papia ku el.”
17Joab ciga. Minjer puntal: “Abo ki Joab?” I falal: “I ami.”
Minjer falal: “Sukuta palabra ku bu servu na falau.” Joab falal: “N na sukutau.”
18Minjer falal: “Na tempu antigu jinti kustumaba ta fala: ‘Kil ku misti kaba ku purblema, pa i bai Abel pa buska konsiju.’
19Li na Israel ña prasa i un di kilis ku ta buska pas, i fiel pa rei. Bu na buska kaba ku un prasa ku sedu mameŜef 5.7 na Israel. Ke ku manda bu misti kaba ku kusa ku pertensi SIÑOR?”
20Joab ruspundi i falal: “Lunju di mi! Lunju di mi di N fasi e koldadi kusa, pa N kaba ku prasa o pa N danal!
21I ka asin ku kusa sedu, ma un omi di monti di Efrain, comadu Seba, fiju di Bikri, i lantanda jinti kontra rei Davi. Bo ntregan ki algin son, N ta bai N disa bo prasa.”
Minjer fala Joab: “Si kabesa na botadu riba di mura pa bo.”
22Dipus, minjer bai papia ku jiresa ku tudu jinti di prasa; e korta kabesa di Seba, fiju di Bikri, e botal pa Joab. Kila toka korneta; si omis disa ki prasa, e pajiga, kada kin pa si kau. Joab riba pa rei na Jerusalen.
23JoabKap 8.16-18 staba riba di tudu tropas di Israel. Benaia, fiju di Jeoiada, staba riba di kereteus ku peleteus;
24Adoniran1 Re 4.6; 5.14; 12.18 staba riba di kilis ku obrigadu tarbaja; Jeosafá,Kap 8.16; 1 Re 4.3 fiju di Ailud, seduba kil ku ta skirbi kusas ku na pasa na renu;
25Seva1 Kron 18.16 seduba sekretariu; Zadok ku Abiatar seduba saserdotis;
26Ira tambi, di prasa di Jair,Ŝef 10.3-5 i seduba saserdoti di Davi.
Who We AreWhat We EelieveWhat We Do
2025 by iamachristian.org,Inc All rights reserved.
