Filemon Introduson - Portuguese Creole Bible, Guinea-Bissau

IntrodusonE krenti di Kolosus konvertiba na mon di Paulu (v.19). Un grupu di krenti ta juntaba na si kasa. Si katibu, Onésimu, fusiba, i ciga na Roma, nunde ki oja Paulu, i bai konverti. Paulu skirbi e karta pa pidi Filemon pa i purda rapas, i risibil suma ermon. Nomi di Onésimu signifika util, o “ku bali” (v.11). Afia (v.2) pudiba sedu minjer di Filemon; talves Arkipu seduba se fiju, ma sertamenti i seduba diriẑenti di igreẑa (Kol 4.17). Un obreru comadu Tíkiku kumpaña Onésimu (Kol 4.7-9). Epafras (v.23) i kil ku tarbajaba ciu pa igreẑa di Kolosus (Kol 1.7-8; 4.12-13). Konformi utru librus, Filemon liberta Onésimu; mas tardi Onésimu bin sedu diriẑenti di igreẑa di Bereia.