Salmus 24 - Portuguese Creole Bible, Guinea-Bissau

Salmu di Davi.

1Tera i di SIÑOR, ku tuduKap 50.10; Sai 9.29; 19.5; Jo 41.11 ku sta nel,

suma tambi mundu ku tudu kilis ku mora nel,

2pabia i el ku pui si alisersuKum 1.9 riba di mar,

i firmantal riba di korentis di yagu.

3Kin ku pudiKap 15.1 subi na monti di SIÑOR?

Kin ku pudi sta na si kau sagradu?

4I kil ku tene mon limpu ku korsonMat 5.8; 1 Tim 2.8 puru,

ku ka ta ntrega si vida pa deus falsu,

nin i ka ta jurmenta ku nganu.

5Ki algin na yangasa benson di SIÑOR.

Deus si Salbadur na comal justu.

6Jinti ku ta buska Deus, asin ke na sedu,

kilis ku ta buska pursensa di Deus di Jakó.

Sela

7Abos portons, bo yabri di largu!

Abos portas antigu, bo yabri,

pa Rei di Gloria pudiAẑeu 2.7; Mal 3.1 yentra.

8Kin ku sedu e Rei di Gloria?

I SIÑOR forti, di puder,

SIÑOR ku ten puder na gera.

9Abos portons, bo yabri di largu!

Abos portas antigu, bo yabri

pa Rei di Gloria pudi yentra.

10Kin ku sedu e Rei di Gloria?

SIÑOR ku ten tudu puder, i el ki Rei di Gloria.

Sela