Isaias 25 - Portuguese Creole Bible, Guinea-Bissau

Kantiga pa ngaba SIÑOR

1O SIÑOR, abo i ña Deus;

N na garandisiu, N na ngabaSai 15.2 bu nomi,

pabia bu fasi kusas di dimira.

Bu sedu fielNum 23.19 pa kumpri planus

ku bu fasi na tempu antigu;

e ka pudi maina.

2Bu fasi prasaJer 51.37 muntudu di pedra;

prasa forti, bu danal.

Bu dana palasiu di jinti di utru tera

pa i ka sedu mas prasa;

nunka mas i ka na kumpudu.

3Jinti di nasons forti na ngabau;

bu na rispitadu na prasas di nasons

ku ka ta sinti pena di ningin.

4Bu sedu kau forti pa koitadi na si foronta,

kau di suguransa pa kil ku ten falta.

Bu sedu kau di sukundiKap 4.6; Sal 46.1 di turbada,

sombra na ora di kalur,

pabia folgu di jinti ku ta kalka utrus

i suma turbada ku na suta mura,

5o suma kalur na kau seku.

Bu na kalma turmenta di inimigus;

suma ku sombra di nuven pretu ta baŝa kalur,

asin ku kantiga di jinti ku ta kalka utrus na baŝadu.

Deus purpara festa

6Ne monti SIÑOR ku ten tudu puder na purpara pa tudu nasons un festaDit 9.2; Mat 8.11; 22.4 di kumida riku, un festa ku biñu beju, ku karni gurdu ku biñu mas puru.

7Ne monti i na kaba ku nuven ku sta riba di tudu rasas, ki veu2 Kor 3.13-16,18 ku ta kubri tudu nasons.

8I na nguli mortuOs 13.14; 1 Kor 15.54; Eb 2.14-15; Apok 20.14 pa sempri. SIÑOR Deus na limpa larmaApok 7.17; 21.4 di tudu uju. I na tira borgoña di si pobu na tudu parti di mundu. I SIÑOR ku fala.

9Na ki dia jinti na fala: “Es i no Deus; no fiansaba nel, i bin salbanu. Es i SIÑOR, kil ku no fiansaba nel. No na kanta, no kontenti, pabia i salbanu.”

Deus na kastiga Moab

10Mon di SIÑOR na diskansa riba de monti, ma Moab na masadu bas del, suma ku paja ta masadu na koba di strumu.

11E na distindi se mon suma algin ku na nada ta distindil, ma Deus na baŝa se orgulyu; se mon na pirdi jitu.

12I na bati muras altu i forti di Moab; i na durba elis te na con.