1SIÑOR bin papia ku mi, i falan:
2“Fiju di omi, asin ku SIÑOR Deus fala aserka di tera di Israel: KabantadaAm 8.2 na bin pa tudu kuatru kantu di tera.
3Kabantada sta riba di bo, pabia N na larga ña raiba riba di bo, N na julgau konformi kusas ku bu fasi; N na pui bu kustumus nujenti pa e kai riba di bo.
4N ka na jubiu ku pena, nin N ka naKap 5.11 purdau. N na pui kusas ku bu fasi, ku kustumus nujenti ku sta na bo metadi, pa e kai riba di bos. Asin bo ta sibi kuma ami i SIÑOR.”
5Asin ku SIÑOR Deus fala: “Mal na bin tras di ŋutru.
6Kabantada na bin! Kabantada na bin! I lanta kontra bo; ala i na bin!
7Abo ku mora na tera, kondenason na bin pa bo. Tempu na bin; dia di kunfuson ciga riba di montis; kontentamentu ka ten ja.
8Gosi N ka na tarda; N na darma ña raiba tok N kabal na bo. N na julgau konformi kusas ku bu fasi; N na pui tudu bu kustumus nujenti pa e kai riba di bu kabesa.
9“N ka na jubiu ku pena, nin N ka na purdau. N na pui kusas ku bu fasi, ku kustumus nujenti ku sta na bo metadi, pa e kai riba di bos. Asin bo ta sibi kuma i ami, SIÑOR, ku ta kastiga.
10“Dia ciga; ali i na bin. Bu kondenason ciga. Bingala di violensia flora ja; orgulyu sta pruntu pa padi si frutu.
11ViolensiaJer 6.7 bin kirsi tok i sedu bingala di maldadi. Nada ka na sobra delis, nin se rikesa, nin se gloria; ningin ka na coraKap 24.16,22; Jer 16.5-6 elis.
12Tempu na bin; dia ciga ja. Kil ku kumpra pa ka i kontenti; kil ku bindi pa ka i fika tristi, pabia raiba forti i sta riba delis tudu;
13Kil ku bindi si terenu i ka na torna tenel nkuantu el ku ki kumpradur e sta di vida, pabia anunsiu aserka di tudu ki multidon ka na maina. Pabia di pekadu ningin ka na pudi salba si vida.
14E toka ja korneta; tudu jinti purpara, ma i ka ten kin ku na bai pa gera, pabia ña raiba na yardi kontra tudu ki multidon.
15“SpadaLei 32.25; Mis 1.20 sta la fora; dentru i ten fomi ku duensa. Kil ku sta na matu i na muri ku spada; kil ku sta na prasa, fomi ku duensa na kaba ku el.
16Kilis ku kuri e kapli, e na sta na montis, suma pumbas di kobon. Kada kin na jimi pabia di si maldadi.
17Tudu mon na pirdi forsa; tudu juju na moliKap 21.7; Is 13.7; Jer 6.24 suma yagu.
18E na bistiIs 3.24; Jer 48.37; Am 8.10 saku, e na tirmi desdi kabesa te na pe. Se rostu na kubridu ku borgoña; se kabelu na rapadu tudu.
19E na bota se prata na rua; se uru na sedu suma susidadi. Nin se prata nin se uru ka na pudi libra elisDit 11.4; Sof 1.18 na dia di raiba di SIÑOR. E ka pudi usal pa mata se fomi nin pa inci se stomagu, pabia i el propi ku pui elis pa e kai na pekadu.
20E sinti garandi orgulyu pa kil se joias bonitu, ma e toma elis, e kumpu imaẑens ku idulus nujenti. E ku manda N torna ki rikesa suma susidadi pa elis.
21N na disa stranjerus ku jinti mau pa e furtal, pa e kontaminal.
22N na sukundi ña rostu delis. Ladrons na yentra na ña kau sagradu, e na kontaminal.
23“Ranja korentis, pabia tera inci krimis di sangi; prasa inciKap 9.9; 11.6; 22.3-4; 2 Re 21.16 ku violensia.
24N na tisi ki nasons mas pior pa e bin roba se kasas; N na kaba ku orgulyu di ki omis forti; se kaus sagradu na kontaminadu.
25Ora ku danu bin pa elis, e na buska pas, ma e ka na ojal.
26Mufunesa na bin riba diLei 32.23; Jer 4.20 mufunesa; mau nobas na bin tras di utru. E na misti pa anunsiadur kontaSal 74.9; Mis 2.9; Mal 2.7-9 elis ke ku sedu, ma saserdotis ka na tene nsinamentu di lei pa elis, nin garandis ka na pudi da elis konsiju.
27Rei na cora, fiju di rei na pirdi speransa; mon di pobu na tirmi. N na trata ku elis konformi kusas ke fasi; N na julga elis manera ke ta julga utrus. E na sibi kuma ami i SIÑOR.”
Who We AreWhat We EelieveWhat We Do
2025 by iamachristian.org,Inc All rights reserved.
