1Na ki mesmu anu, ku sedu kuartu anu di renansa di Zedekias, rei di Judá, na kintu mis, Ananias, fiju di Azur, anunsiadur di Jibeon, i papia ku mi na kasa di SIÑOR, dianti di saserdotis ku tudu pobu, i fala:
2“Asin ku SIÑOR ku ten tudu puder, Deus di Israel, fala: ‘N kebra kangaKap 27.12 di rei di Babilonia.
3Dentru di dus anu N na ribantaKap 27.16 pa e kau tudu rikesa di kasa di SIÑOR ku Nabukodonosor, rei di Babilonia, toma i leba pa Babilonia.
4Tambi Jekonias, fiju di Jeoiakin, rei di Judá, ku tudu jinti di Judá ku lebadu katibu, N na torna tisi elis pa e kau, pabia N na kebra kanga di rei di Babilonia.’ Asin ku SIÑOR fala.”
5Anunsiadur Jeremias ruspundi anunsiadur Ananias dianti di saserdotis ku tudu pobu ku firmaba na kasa di SIÑOR,
6i fala: “Amen! SIÑOR ta fasi asin! I ta konfirma palabras ku bu anunsia, i ta torna tisi di Babilonia pa e kau rikesa di kasa di SIÑOR, ku tudu katibus.
7Ma sukuta e palabra ku N na fala bu dianti ku dianti di tudu jinti, pa bo obi.
8Anunsiaduris ku staba antis di mi ku bo, disna di tempu antigu, e anunsiaba gera ku mal ku duensa kontra manga di tera, tambi kontra renus garandi,
9ma anunsiadur ku fala kuma pas na ten, son ora ku si palabra kumpriLei 18.22; 1 Jon 4.1 ki ta kunsidu suma algin ku SIÑOR manda na bardadi.”
10Anunsiadur Ananias tira kangaKap 27.2 na garganti di anunsiadur Jeremias, i kebral,
11i fala dianti di tudu pobu: “Asin ku SIÑOR fala: ‘Asin ku N na kebra kanga di Nabukodonosor, rei di Babilonia; N na tiral na garganti di tudu nasons, dentru di dus anu.’ ” Anunsiadur Jeremias sai i bai si kamiñu.
12Dipus ku anunsiadur Ananias tira kanga na garganti di anunsiadur Jeremias, i kebral, SIÑOR bin papia ku Jeremias, i falal
13pa i bai fala Ananias kuma SIÑOR fala: “Bu kebra kanga di madera, ma na si lugar bu na bin tene kanga di feru.
14Asin ku SIÑOR ku ten tudu puder, Deus di Israel, fala: N pui un kanga di feru na garganti di tudu e nasons pa e sirbi Nabukodonosor, rei diKap 27.6-7; Lei 28.48 Babilonia; N dal tambi tudu limarias di matu.”
15Anunsiadur Jeremias fala anunsiadur Ananias: “Ananias, obi de! SIÑOR ka mandau, ma abo bu pui e pobu pa e fiaKap 20.6; 29.31; Ez 13.22; 22.28 na mintida.
16E ku manda SIÑOR fala asin: ‘N na tirau na mundu. Bu na muri e anu, pabia bu palabra na pui jinti disobdisiKap 29.32 SIÑOR.’ ”
17Anunsiadur Ananias muri na ki mesmu anu na setimu mis.
Who We AreWhat We EelieveWhat We Do
2025 by iamachristian.org,Inc All rights reserved.
