2 Kronikas 30 - Portuguese Creole Bible, Guinea-Bissau

Ezekias organisa Paskua

1Dipus di kila, Ezekias manda rekadu pa tudu Israel ku Judá; i skirbi kartas pa Efrain ku Manasés pa kumbida elis pa e bin pa kasa di SIÑOR na Jerusalen pa mati Paskua

15E mata karnel di Paskua na dia 14 di sugundu mis. Saserdotis ku levitas sinti borgoña, e bai purifika se kabesa, e tisi ofertas kemadu pa kasa di SIÑOR.

16E toma se lugar di kustumu, suma ku lei di Moisés, omi di Deus, fala. Saserdotis toma sangi na mon di levitas, e wagal.

17I tenba manga delis na metadi di juntamentu ku ka staba purifikadu. Pabia di kila, levitas tenba ku mata karnel di Paskua na konta di kada kin ku staba impuru, e dedikal pa SIÑOR.

18-19Manera ku manga di jinti di Efrain, Manasés, Isakar ku Zebulon e ka fasiba sirmonia di purifikason, e kume Paskua kontra kil ku sta skritu na lei. Ezekias ora pa elis, i fala: “O SIÑOR, Deus di no papes, suma ku bu sedu bon, purda kilis ku purpara se korson pa buskau, SIÑOR Deus, nin si e ka sta purifikadu konformi lei di kau sagradu.”

20SIÑOR obi orason di Ezekias, i purda pobu.

21Fijus di Israel ku staba na Jerusalen e fasi festival di pon sin fermentuSai 12.15 pa seti dia, ku garandi kontentamentu. Levitas ku saserdotis e kanta pa ngaba SIÑOR kada dia, ku instrumentus di SIÑOR ku ten son altu.

22Ezekias papia palabras di animu pa tudu levitas ku tenba bon ntindimentu na sirvis di SIÑOR. E kume ofertas di festival pa seti dia, e fika e na da ofertas di pas, e na ngaba SIÑOR, Deus di se papes.

23Tudu juntamentu papia entri elis, e disidi kontinua pa mas seti dia. Asin e junta pa mas seti dia ku kontentamentu.

24Ezekias, rei di Judá, i da pobu mil turu ku seti mil karnel; ŝefis da elis mil turu ku des mil karnel. Garandi numeru di saserdotis e purifikaba ja se kabesa.

25Tudu juntamentu di Judá kontenti, juntu ku saserdotis ku levitas, ku tudu jintis ku bin di Israel, tambi ku stranjerus ku bin di Israel, ku kilis ku mora na Judá.

26Kontentamentu garandi staba na prasa di Jerusalen, pabia disna di tempuKap 7.9-10 di Salomon, fiju di Davi, rei di Israel, i ka fasidu un kusa suma es na Jerusalen.

27Saserdotis ku levitas lanta, e bensuaNum 6.24-26; Lei 10.8 pobu. Deus obi elis, pabia se orason ciga te na seu, kau sagradu nunde ki mora.