1 Koríntius 1 - Portuguese Creole Bible, Guinea-Bissau

Kumsada ku manteña

1Ami Paulu, comadu pa vontadi di Deus pa sedu apostolu di Jesus Kristu, juntu ku ermon Sóstenis,At 18.17

2N skirbi e karta pa igreẑa di Deus ku sta na Korintu, pa kilis ku santifikaduJon 17.19; At 15.9 na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

3N misti pa Deus no Pape ku Siñor Jesus Kristu da bos fabur ku pas.

4Sempri N ta fala ña Deus obrigaduRom 1.8 pa bos, suma ki da bos si fabur na Jesus Kristu,

5pabia na bo union ku Kristu bo fasidu riku2 Kor 8.7 na tudu, na palabra, tambi na kil ku bo sibi.

6No tustumuñu di Kristu i konfirmadu na bos.

7Asin bo ka falta nin un puder spiritual nkuantu bo na peraFil 3.20; Titu 2.13; 2 Ped 3.12 pa no Siñor Jesus Kristu bin.

8I na guarda bos firmi te na kabantada, pa ka bo fika kulpaduFil 1.10; Kol 1.22; 1 Tes 3.13; 5.23; 2 Ped 3.14; Jud 24 di nada na dia di no Siñor Jesus Kristu.

9Deus iKap 10.13; 1 Tes 5.24; 2 Tes 3.3; Eb 10.23 fiel, ku coma bos pa bo ten kumuñon ku si Fiju Jesus Kristu no Siñor.

Divison na igreẑa

10Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo seduRom 12.16 divididu, ma bo uni na un pensamentu ku un sintidu.

11Ña ermons, jinti di familia di Kloé kontan kuma bo tene jus na bo metadi;

12kuma entri bos bo na purfia; un ta fala: “Ami i di Paulu;” utru: “Ami i diKap 3.4; At 18.24 Apolu;” utru: “Ami i diJon 1.42 Sefas;” utru inda ta fala: “Ami i di Kristu.”

13Nta Kristu staEf 4.5 divididu? O Paulu krusifikadu pabia di bos? O bo batisadu na nomi di Paulu?

14N ta fala Deus obrigadu pabia N ka batisa nin un di bos; son KrispuAt 18.8; Rom 16.23 ku Gaiu ku N batisa.

15Asin ningin ka pudi fala kuma i batisadu na ña nomi.

16I bardadi, N batisa tambi StéfanasKap 16.15,17 ku si familia, ma N ka lembra kuma N batisa mas algin.

17Kristu ka mandan pa N batisa; i mandan pa N konta Bon Noba; i ka pa N kontal ku palabra diKap 2.1,4-5,13; 2 Ped 1.16 jiresa umanu, pa N ka lebsi krus di Kristu.

Kristu i puder ku jiresa di Deus

18Palabra di krus i tulesaKap 2.14; At 17.18; Rom 1.4,16; 2 Kor 2.15-16 pa kilis ku na pirdi, ma pa nos ku na salba i puder di Deus.

19I sta skritu kuma Deus fala:

“N na kaba ku jiresaJo 5.12; 12.20,24; Is 29.14; 44.25 di jinti jiru;

N na dana ntindimentu di jinti ntindidu.”

20Nunde ku jinti jiru sta? Nunde ku ntindidu sta? Nunde ku jinti diskutidur de mundu sta? Nta Deus ka mostra kuma jiresa de mundu i tulesa?

21Deus na si jiresa fasi pa ka omis kunsil na seMat 11.25 jiresa, ma i rezolvi usa anunsiu “tulu” pa salba kilis ku fia.

22Judeus ta pidiMat 12.38; 16.1; Jon 4.48 milagri; gregus ta buska jiresa,

23ma anos no ta konta aserka di Kristu krusifikadu, ku sedu ofensaIs 8.14; Gal 5.11 pa judeus, tulesa pa gregus,

24ma pa kilis ku Deus coma, judeus ku gregus, pa elis Kristu i puderKap 1.18 di Deus, i jiresaKol 2.3 di Deus.

25Tulesa di Deus i mas jiresa di pekadur; frakesa di Deus i mas forsa di pekadur.

26Ermons, bo lembra kuma ku bo staba oca bo comadu. Bo ka ciu ku tenba jiresa de mundu, nin e ka ciu kilis ku tenba puder, nin fidalgus tambi ka ciu ba.

27Deus kuji kil ku mundu coma tulu pa pasanta borgoña kilis ki jiru. Deus kuji tambi kil ku mundu coma frakuSal 8.2; Mat 11.25; Tia 2.5 pa pasanta borgoña kilis ki forti.

28Deus kuji kil ku munduKap 2.6; Rom 4.17 njuti, ku jinti oja kuma i ka bali, ku ka sedu nada, pa kaba ku kil ku sedu kusa,

29pa ka nin un algin njataRom 3.27 dianti di Deus.

30Deus junta bos ku Jesus Kristu; i fasil jiresaJer 23.5-6; Jon 17.19; Rom 4.25; 2 Kor 5.21; Ef 1.7; Fil 3.9 pa nos. Pabia del tambi i fasinu justu, i santifikanu, i libertanu.

31Asin, suma ki sta skritu: “Kil ku naJer 9.23-24 njata, pa i njata na Siñor.”