Salmus 39 - Portuguese Creole Bible, Guinea-Bissau

Salmu di Davi pa ŝef di musika. Pa Jedutun.

1N fala kuma N na toma sintidu ku ke ku N na fasi

pa N ka pekaKap 141.3; Dit 10.19; Mat 12.34-37; Kol 4.6; Tia 3.2 ku lingua.

N na mara ña boka nkuantu omi mau sta ku mi.

2N fika kaladu suma mudu;

nin ben N ka papia, ma ña dur buri.

3Ña korson na kemabaJer 20.9 dentru di mi;

oca ku N na pensa, fugu na yardi,

tok N kumsa na papia. N fala:

4“SIÑOR, kontan diaKap 90.12 ku ña vida na kaba.

Kantu dias ku N sobra ku el inda?

Pun pa N sibi kuma ña vida pudi kaba kinti-kinti.”

5N sibi kuma bu fasi ña dias suma kumprimentu di palmu di mon;

tempu di ña vidaKap 89.47; Tia 4.14 i suma nada bu dianti.

Na bardadi, tudu omi, pa mas firmi ki sedu,

i son bentu.

Sela

6I ta yanda suma sombra, i ta turmenta amonton.

I ta junta rikesas sin sibiEkl 2.18-19 kin ku na bin tenel.

7Gosi, SIÑOR, ke ku N na pera?

Ña speransa sta na bo.

8Libran di tudu ña krimis;

ka bu disa tulus fasin trosa.

9N fikaKap 39.2 mudu, N ka na yabri ña boka,

pabia i abo ku fasi es.

10Tira bu kastiguJo 13.21 riba di mi;

pabia di bu suti N na dismaja.

11Bu ta raprindi algin, bu kastigal pabia di pekadu;

bu ta dana si rikesa suma bagabaga.

Asin, tudu omi i suma bentu.

Sela

12SIÑOR, obi ña orason;

sukutan ora ku N na yalsa ña fála.

Ka bu kala dianti di ña larmas,

pabia N sedu suma ospriKap 119.19; Sir 25.23; Eb 11.13 na bu kau,

stranjeru suma ku tudu ña papes seduba.

13Tira bu uju na mi, pa N pudi diskansaJo 10.20 un bokadu,

antis di N bai, N disa di izisti.