Oseias 10 - Portuguese Creole Bible, Guinea-Bissau

1Pobu di Israel i suma pe di uva bonitu ku padi manga di fruta. Konformi fruta na buri, asin ke kumpu mas e na cora pa el; saserdotis ku ta sirbilba na cora tambi; e ta kontenti ba ku gloria di ki idulu, ma ki gloria pirdi.

6Ki idulu na lebadu pa AsiriaKap 5.13 suma pursenti di mpustu pa rei Jareb. Efrain na fika na kunfuson, Israel na sta na borgoña pabia i seta konsiju di idulu.

7Rei di SamariaKap 10.3,15 na lebadu suma kabaku riba di yagu.

8Kaus altu di Aven, nunde ku Israel ta fasi pekadu, e na danadu. Pe di fididaKap 9.6 ku tudu plantas ku ta fidi na nasi, e kubri se altaris. E na fala montañas: “Bo kubrinu!” E na fala montis: “Bo kaiLuk 23.30; Apok 6.16 riba di nos!”

9“O Israel, bu ka para peka disna di tempuKap 5.8 di Jibeá. E toma pusison firmi la. Gera na Jibeá bin paña ki jinti ku fasi mal.

10Ora ku N misti, N na kastigaLei 28.63 Israel. Utru nasons na juntadu kontra elis, pa prindi elis pabia di se pekadu.

11“Efrain seduba baka nobu ku trenadu diritu, ku gostaba di tarbaju di masa arus. N pasa sintu na si garganti bonitu, N pul pa i junda ŝarua mas pisadu. Judá na labra, Israel na kopoti con risu.

12N fala bos pa bo bai bo labra con ku nunka ka labradu, bo sumiaKap 8.7; Tia 3.18 bondadi pa bos, bo kebra frutu di amor, pabia tempu ciga pa buska SIÑOR, tok i bin manda cuba di bondadi riba di bos.

13Ma bo labrabaJo 4.8; Dit 22.8 pekadu, bo kebra maldadi, bo kume frutu di mintida. Suma ku bu fiansa na bu forsa, ku bu manga di tropa,

14baruju di gera na lanta na metadi di bu pobu; tudu bu kuartelis na danadu, suma ku Salman kaba ku Bet-Arbel na dia di gera; mame padasadu la juntu ku si fijus.

15Asin ku bo na fasidu, Betel, pabia di bo garandi maldadi. Parmaña sedu, rei di Israel na kabadu ku el di un bias.”