Jo 40 - Portuguese Creole Bible, Guinea-Bissau

1SIÑOR papia mas ku Jo, i puntal:

2“Nta kil ku diskuti ku kil ku ten tudu puder i na nsinal?

Kil ku misti diskuti asin ku Deus, pa i ruspundi e kusas.”

3Jo ruspundi SIÑOR, i falal:

4“Ami N kaKap 42.6 bali;

ke ku N na ruspundiu?

N pui mon na boka.

5N papia un bias, N ka na ruspundi;

dus bias ku N papia, ma N ka na papia mas.”

6SIÑOR ruspundi Jo na metadiKap 38.1 di turbada, i falal:

7“Mara bu sintu suma omi;

N naKap 38.3; 42.4 puntau; bu na ruspundin.

8“Nta bu misti proba kuma N ka seduSal 51.4; Rom 3.4 justu?

Bu na kondenan pa da bu kabesa roson?

9Bu tene mon suma Deus?

O bu pudi fasi barujuKap 37.4-5 ku vos suma di sil?

10Si i asin, faja ku bonitasku ku orgulyu,

bu bisti ku garandesa ku gloria.

11Jubi pa tudu orgulyosus, bu bati elis;

bu darma forsa di bu raiba.

12Sin, jubi pa tudu orgulyosus, bu baŝa elis;

kalka jinti mau na kau ke sta nel.

13Ntera elis tudu juntu na reia,

bu sukundi se rostu na koba.

14Asin ami N ta konfesa pa bo

kuma bu mon direita i librau.

15“Jubi diritu pa pis-kabalu

ku N kumpu juntu ku bo;

i ta kume paja suma turu.

16Si forsa sta na si pe

ku na muskulu di si bariga.

17Si i misti, i ta balansa si rabu suma po di sedru.

I ten forsa garandi na muskulus di si koŝa.

18Si os i suma tubus di bronzi;

si pernas e sedu suma baras di feru.

19“Na tudu ku Deus kumpu, el ki mas tudu,

ma Deus ku kumpul pudi bai pa el ku spada.

20Na bardadi, paja ta kirsi pa el na montis,

nunde ku tudu limarias di matu ta brinka.

21I ta dita bas di sombra di arvuris;

i ta sukundi na lama na metadi di plantas di yagu.

22Salgerus ku utru arvuris ta dal sombra,

e rodial lungu di riu.

23Si riu inci tok i darma, el i ka ta turmenta;

i ta fika ketu nin si riu Jordon

inci te na si boka.

24Nta algin pudi pañal nkuantu i na ojal,

o i pudi pañal ku armadilia, i fural naris?