Ditus 26 - Portuguese Creole Bible, Guinea-Bissau

1Suma nevi ka dibi di bin na tempu di kalur, o suma cuba na tempu di kebur, asin ku tuluEkl 10.5-7 ka dibi di dadu rispitu.

2Maldison ku ka mersiduNum 23.8; 2 Sam 16.12; Sal 109.28 i ka na bai na algin, suma ku kacus e ta bua e pasa.

3Suti i pa kabalu, freiu pa buru, mantampaKap 10.13 pa kosta di tulus.

4Ka bu ruspundi tulu konformi si tulesa, pa bu ka bin sedu suma el.

5Ruspundil na un manera ki pudi raparaMat 21.23-27; 22.15-22 kuma i ka jiru suma ki pensaba.

6Kil ku manda rekaduKap 13.17 na mon di un tulu i suma i korta si pe; i na sufri danu.

7Suma perna di manku ku ta pindra sin forsa, asin ki dituKap 17.7; 19.10 na boka di tulus.

8Pa da tulu rispitu i suma algin ku mara pedra na si lamparan.

9Ditu na boka di tulu i suma camidur ku misti tira fidida na si mon.

10Patron ku ta pui kualker tulu ku na pasa na tarbaju i suma algin ku na manda fleŝa pa tudu ladu.

11Tulu ku ta ripiti si tulesa i suma kacur2 Ped 2.22 ku ta riba pa si ramasadura.

12Bu ciga di oja un omi ku pensa kumaKap 26.16; 28.11; 29.20; Rom 12.16; 1 Kor 3.18-19; 8.1-2 i jiru? Tulu mas ten speransa di ki el.

13Prigisosu ta fala: “LionKap 22.13 sta na kamiñu! I na yanda la na rua!”

14Suma ku porta ta vira na si dobradisa, asin ku prigisosuKap 6.6 ta vira na si kama.

15Prigisosu ta miti mon na pratu, ma i ta prigisa yalsalKap 19.24 pa si boka.

16Prigisosu i ta pensa kuma i mas jiruKap 26.12 di ki seti omi ku sibi da bon rasposta.

17Kin ku na pasa, i miti boka na jusKap 18.6; 20.3 ku ka pertensil, i suma algin ku paña kacur na oreja.

18-19Omi ku ngana si kumpañer, i fala: “N na brinkaKap 10.23 nan”, i suma dudu ku na brinka ku fugu ku fleŝas di mortundadi.

20Sin leña, fugu ta paga; sin alginKap 22.10; Tia 3.6 ku ta papia mal, jus na para.

21Suma karbon ku leña ta pui fugu pa i yardi, asin ku omi ku ta garbata asuntu i ta sindi jus.

22Palabras mau pa jinti i suma kusa sabiKap 18.8 ku no kontenti pa nguli!

23Palabras di amor ku ta kubri korson mau i suma puti di lama foradu ku kusa baratu ku ta lampra.

24Inimigu ta finji ku si palabra, ma dentru del i na sukundiKap 10.18; 2 Sam 20.9-10 nganu.

25Si i papia sabi ku bo, ka bu fia, pabia seti kusa nujentiKap 6.16-19; Jer 9.8 sta na si korson.

26Mesmu ki sukundi si odiu, si maldadi na sai dianti di jinti.

27Kin ku kobaKap 5.22; 28.10; Ekl 10.8; Sal 7.15; 9.15-16 koba i na kai nel. Kin ku rola pedra, pedra na rola riba del.

28Algin munturus i ta aburisi kil ki papia mal pa el. Boka ku ta ngabaKap 29.5; Luk 20.20-21 ku nganu i ta tisi danu.