1 Pedru 5 - Portuguese Creole Bible, Guinea-Bissau

Konsiju pa garandis di igreẑa

1N na papia gosi pa kilis na bo metadi ku sedu presbiterus, ami ku sedu presbiteru tambi suma elis, ku sedu tustumuñaLuk 24.48 di sufrimentu di Kristu, ku na bin toma parti na gloria ku ten ku mostradu.

2N na pidi bos pa bo toma kontaJon 21.15-17; At 20.28 di krentis na bo metadi, ku sedu karnel di Deus. I ka obrigason,2 Kor 9.7 ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.

3I ka suma bo na mandaEz 34.2-4; 1 Tim 4.12 riba di kilis ku ntregadu na bo mon, ma bo na sirbi pa isemplu di rebañu.

4Ora ku Ŝef di PastorisJon 10.11; 1 Kor 9.25 bin, bo na risibi koroa di gloria ku ka ta murca.

5Asin tambi abos jovens, bo baŝa pa mas bejus. Abos tudu, bo baŝa paEf 5.21 ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsaIs 66.2; Tia 4.6 se kabesa, ma i ta mostra fabur pa kilis ku ta baŝa se kabesa.”

6Bo baŝaTia 4.10 bas di forti mon di Deus, pa i lantanda bos ora ku tempu ciga.

7Bo pui tudu bo kudadiSal 37.5; 55.22; Mat 6.25; Luk 12.11-12; Fil 4.6 riba del, pabia i ta toma konta di bos.

8Bo1 Tes 5.6 disperta, bo sedu jiru, pabia bo inimigu, ku sedu diabu, i na yandaJo 1.7 na bo roda, suma lion ku na somna, i na buska kil ki pudi nguli.

9Bo firmaTia 4.7 kontra el ku fe; bo lembra kuma bo ermons na pasa mesmu sufrimentu na tudu mundu.

Manteña di kabantada

10Dipus di bo sufri un bokadu di tempu, Deus ku ta da tudu grasa, ku coma bos1 Kor 1.9; 1 Tim 6.12 na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

11Puder pertensilKap 4.11 pa sempri. Amen.

12N skirbi bos e kartasiñu ku ajuda di Silvanu,1 Tes 1.1 no ermon ku N oja fiel, pa konsija bos, pa testifika kuma, grasa di Deus i di bardadi. Bo kontinua nel firmi.

13Bo igreẑa irma di Babilonia, ku Deus kuji suma bos, manda bos manteña, juntu ku MarkusAt 12.25 ña fiju.

14Bo fala ŋutru manteñaRom 16.16,20 ku beẑu di amor. N dija pa pas sta ku bos tudu, abos ku sedu di Kristu.