Salmus 107 - Portuguese Creole Bible, Guinea-Bissau

KINTU LIBRU(Salmus 107—150)

1Bo gardisi SIÑOR, pabia el i bon;

si bondadi i pa sempri.

2Jinti ku SIÑOR kaplinti, pa e ripiti e palabra,

kilis ki libra na mon di inimigus,

3kilis ki tira di terasKap 106.47; Is 43.5-6; 49.12; Jer 29.14; 31.8-11 di saida ku kaida di sol,

di norti ku sul.

4Utrus yanda pirdidu na lala,

e ka pudi oja kamiñu pa un prasa

nunde ke pudi mora.

5E teneba fomi, ku sedi;

e na fraksiba pa muri.

6E bin coma SIÑORKap 50.15 na se foronta;

el i libra elis di se kasabi.

7I leba elis pa kamiñuEsd 8.21,23; Is 63.12-13 filadu,

ku ta bai pa prasa nunde ke pudi mora nel.

8I bon pa e gardisi SIÑOR pa si bondadi,

ku kusas garandi ki fasi pa jinti,

9pabia i da di bibiKap 34.10; Is 55.1 pa kilis ku tene sedi;

kilis ku tene fomi, i fartanda elis ku bon kusas.

10Utrus sintaba na sukuru, na sombra di mortu;

e staba prezu, e na sufri na korenti di feru,

11pabia e ravolta kontra palabras di Deus,

e njuti konsiju di Deus ku sta riba di tudu.

12I kebranta elis korson ku tarbaju duru;

e da tapada; i ka tenba kin ku na sakura elis.

13E bin coma SIÑOR na se foronta;

el i libra elis di se kasabi.

14I tira elis na sukuru ku sombra di mortu,

i kebra se korentis.

15I bon pa e gardisi SIÑOR pa si bondadi,

ku kusas garandi ki fasi pa jinti,

16pabia i romba portonsIs 45.2 di bronzi,

i kebra trinkus di feru.

17Utrus ku sedu tulu e sufri kastigu,

pabia e kebra lei, e pega kamiñu di pekadu.

18E ka mistiba oja kumida;

e ciga pertu di porta di mortu.

19E bin coma SIÑOR na se foronta;

el i libra elis di se kasabi.

20I manda siMat 8.8 palabra, i kura elis,

i libra elis di koba di mortu.

21I bon pa e gardisi SIÑOR pa si bondadi,

pa kusas garandi ki fasi pa jinti.

22E dibi di gardisilSir 7.12 ku sakrifisius,

e kanta ku kontentamentu pa konta ke ki fasi.

23I ten utrus ku yanda ku barkusIs 42.10 na mar,

e fasi se nogos na mar garandi.

24E oja tarbaju di SIÑOR,

ku kusas maravilyosu ki fasi na kau fundu.

25I ta da ordi; bentu forti ta lanta,

i lantanda maron pa riba.

26Barkus ta subi te na seu,

e kai na koba.

Na ki pirigu, koraẑen di ki omis ribi.

27E yanda, e singa-singa suma camiduris;

se jitu ka bali elis nada.

28E bin coma SIÑOR na se foronta;

el i libra elis di se kasabi.

29I para baruju di mar;

maronKap 89.9; Mat 8.26 bin kalma.

30E kontenti ku ki kau ketu;

Deus leba elis pa purtu ke misti.

31I bon pa e gardisi SIÑOR pa si bondadi,

ku kusas garandi ki fasi pa jinti.

32E dibi di garandisil na juntamentu di pobu,

e ngabal na konseliu di garandis.

33Deus bidanta rius1 Re 17.1,7 suma lala,

fontis suma tera seku.

34Tera ku ta pruduzi ciu, i bidantal suma lalaKum 13.10; 19.25-26; Ez 12.20 salgadu,

pabia di maldadi di kilis ku mora la.

35I bidanta lala laguas,

tera sekuIs 41.18 suma fontis.

36I pui jinti ku tene fomi pa e fika la;

e kumpu prasa pa e mora nel.

37E sumia se lugaris, e paranta ortas di uva;

e bin oja manga di kebur.

38I bensua elis tok e buriKum 17.16; Sai 1.7 ciu;

i ka disa se limarias pa e menusa.

39Ma ki jinti bin kalkadu, e pasa mal, e fika tristi;

e ku manda e menusa,2 Re 10.32 e fika umilyadu.

40Deus njuti ki ŝefis, i pui elis yanda-yanda

na lala, nunde ku kamiñu ka ten.

41Ki koitadis1 Sam 2.8; 2 Sam 7.8 ku kalkadu, i lantanda elis pa un kau suguru;

i buri se familias suma karnel.

42Jinti retu ta oja e kusa, e ta kontenti,

ma tudu jinti ku ta fasi mal e ta fika kaladu.

43Kin ki jiru, pa i para sintiduJer 9.12; Os 14.9 ne kusas,

i pensa diritu na garandi bondadi di SIÑOR.

Kantiga, salmu di Davi.