1Dipus ku Abimelek muri, i lanta un omi pa libra Israel, ku sedu Tola, fiju di Pua, fiju di Dodó, di jorson di Isakar. I moraba na Samir na montaña di Efrain.
2I manda na Israel vinti i tris anu; i muri, i nteradu na Samir.
3Dipus di Tola, i lanta Jair, omi di Jilead, ku manda na Israel vinti i dus anu.
4I teneba trinta fiju ku ta montaba riba di trinta buru. te aos.
5Jair muri, i nteradu na Kamon.
Israel fika bas di filisteus ku amonitas6Fijus di Israel torna na fasi mal dianti di uju di SIÑOR, e bai adora baalins ku Astarot,Kap 2.13 ku deusis di Siria, Sidon, Moab, di fijus di Amon, ku di filisteus. E disa di adora SIÑOR.
7SIÑOR paña raiba di Israel, i ntrega elis na mon di filisteus ku fijus di Amon.
8Na ki mesmu anu e domina riba di fijus di Israel, e maltrata elis. Pa disoitu anu e kastiga tudu fijus di Israel ku staba na Jilead, na utru banda di riu Jordon, na tera di amoreus.
9Tambi fijus di Amon kamba Jordon pa geria kontra jorsons di Judá, Benjamin ku Efrain. Asin fijus di Israel fikaba forontadu,
10e yalsa fála e comaKap 3.9 SIÑOR, e falal: “No peka kontra bo, pabia no disau suma no Deus, no bai na adora baalins.”
11SIÑOR fala fijus di Israel: “Nta oca ku ejipsius, amoreus, fijus di Amon, filisteus,
12sidonius, amalekitas ku maonitas e dominaba bos, tok bo yalsa fála pa coman, N ka libra bos na se mon?
13Ma bo disan, bo bai adora utru deusis. Ami tambi N ka na libra bos mas.
14Bo bai coma ki deusis ku bo kuji; elis e pudi libra bos na ora di foronta!”
15Fijus di Israel fala SIÑOR: “No peka; fasinu suma ku bu misti, ma no pidiu, ten pasensa, bu libranu aos.”
16E tira deusis strañu2 Kron 7.14; 15.8; 33.15; Ez 18.30-32 na se metadi, e bai na adora SIÑOR. Asin Deus ka pudi nguenta masSal 106.44-45 oja se kasabi.
17Fijus di Amon comadu pa gera, e bai kampa na Jilead. Israelitas tambi junta, e bai kampa na Mizpá.Kap 11.29; Jos 11.3
18Jinti di Jilead ku se ŝefis e punta ŋutru: “Kal omi ku na kumsa geria kontra fijus di Amon? Ki algin i na sedu ŝef di tudu moraduris di Jilead.”
Who We AreWhat We EelieveWhat We Do
2025 by iamachristian.org,Inc All rights reserved.
