2 Reis 7 - Portuguese Creole Bible, Guinea-Bissau

1Eliseu fala: “Bo sukuta palabra ku SIÑOR fala: ‘Kuas ne ora amaña tris kilu di foriña o seis kilu di sevada na bindidu pa un mueda di prata, na porton di Samaria.’ ”

2Un kapiton, ku rei ngostabaKap 5.18 na si mon, i ruspundi omi di Deus, i falal: “Nin ku SIÑOR yabri janelaMal 3.10 di seu, es pudi sedu me?”

Eliseu falal: “Bu na ojal ku uju, ma bu ka na kume nada del.”

Tropas di Siria bai

3Kuatru omi ku teneba mpincu,Sir 13.46 ku staba lungu di porton, e fala ŋutru: “Pabia di ke ku no na fika li tok no muri?

4Si no fala no na yentra na prasa, fomi ten la; no na bin muri. Si no fika li tambi, no na muri. No bai ntrega no kurpu na kampamentu di sirianus; si e ka matanu, no ta fika ku vida, ma si e matanuEst 4.16 tambi, jitu ka ten!”

5E lanta na fuska-fuska, e bai pa kampamentu di sirianus, e ciga na entrada, ma ningin ka staba la,

6pabia SIÑOR pui elis pa e obi barujuKap 3.22-23; 19.7; 2 Sam 5.24 suma di karus ku kabalus ku manga di tropa. E fala ŋutru: “Rei di Israel luga reis di eteus ku di ejipsius pa e bin geria ku nos!”

7Asin e lanta, e kuriDit 28.1 na fuska-fuska, e fika se tendas, kabalus ku burus; e fika kampamentu na manera ki staba, e kuri pa pudi salba se vida.

8Ki omis ku teneba mpincu ciga na kampamentu, e yentra na un tenda, e kume, e bibi, e toma prata ku uru ku ropa, e bai sukundil. E riba e yentra na utru tenda, e toma utru kusas, e bai sukundil.

9Dipus e fala ŋutru: “No ka na fasi diritu. Aos i dia di bonIs 52.7; Luk 2.10 noba; ali no na kala ku el! Si no pera tok sol mansi, kualker mal na ojanu. I bon pa no bai gosi, no bai konta na kasa di rei.”

10Asin e ciga, e coma guardas di porton di prasa, e fala elis: “No baiba pa kampamentu di sirianus, no ciga la, no ka oja ningin, nin no ka obi fála; son kabalus ku burus ku staba la maradu, ku tendas disadu suma ke staba.”

11Guardas coma utru porterus; kilas bai konta na kasa di rei.

12Rei lanta di noti, i fala si ŝefis: “N na konta bos ke ku sirianus na fasi. E sibi kuma no na muri ku fomi; asin e sai na se kampamentu, e bai sukundi na matu, e na pera pa no sai na prasa, pa e pañanu bibu, e yentra na prasa.”

13Un di si ŝefis ruspundi i falal: “I bon pa no manda utru omis ku sinku di kabalus ku sobra inda, e ta bai jubi ke ku ten. Tudu manera jinti di prasa e sta kondenadu pa muri, suma kilis ku muri ja.”

14Asin e kuji dus karu ku kabalus; rei manda elis tras di tropas sirianu, i fala kondutoris: “Bo bai jubi ke ku kontisi.”

15E bai se tras te na Jordon; la e oja, na tudu kamiñu, ropa ku ekipamentu ku sirianus botaba oca ke na janti pa bai. E riba, e konta rei.

16Pobu sai, e toma tudu ke mistiba na kampamentu di sirianus. Asin tris kilu di foriña o seis kilu di sevada bindidu pa un mueda di prata, suma ku SIÑOR falaba.

17Rei pui ki kapiton ki ngostaba na si mon pa i toma konta di porton di prasa. Jinti masa-masal na porton; i muri, suma ku omi di Deus falabaKap 7.2 oca ku rei baiba pa el.

18Pabia omi di Deus falaba rei: “Kuas ne ora amaña tris kilu di foriña o seis kilu di sevada na bindidu pa un mueda di prata na porton di Samaria.”

19Ki kapiton ruspundi omi di Deus i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

20Asin propi ki sedu, pabia jinti masa-masal na porton, i muri.