1 Samuel 17 - Portuguese Creole Bible, Guinea-Bissau

Golias disafia Israel

1Filisteus junta se tropas pa gera, e konsentra na Sokó na tera di Judá, e kampa na Efes Damin, na metadi di Sokó kuJos 15.35 Azeka.

2Saul ku omis di Israel e junta, e kampa na kobon di karvaju, e ruma se tropas na pusison di gera kontra filisteus.

3Filisteus staba na un monti na utru banda; israelitas staba na utru monti na se ladu; kobon staba na se metadi.

4Un kampion comadu Golias1 Kron 20.5 sai na kampamentu di filisteus, un omi di Gat,Jos 11.22 ku teneba kuas tris metru di kumprimentu.

5I teneba kapasiti di bronzi na kabesa; i ta bistiba kasaku di metal ku parsiba ku skamas, ku pesaba serka di sinkuenta i seti kilu.

6I teneba kubertura di bronzi pa si pernas; i pindraba un kañakusiñu di bronzi na si ombra.

7Po di si kañaku seduba suma ransi di fisial; feru di kañaku pesaba serka di seti kilu. Un soldadu ta yandaba si dianti ku tajadera.

8Golias firma i grita pa tropas di Israel, i punta elis: “Pa ke ku bo na forma na pusison di gera? Nta ami i ka filisteu? I ka abos ku ta sirbi Saul? Bo kuji un omi na bo metadi ku na bin pa mi.

9Si i pudi geria ku mi, i matan, no na sedu bo katibus, ma si N ngañal, N matal, bo na sedu no katibus, bo na sirbinu.”

10Dipus i fala mas: “Aos N na disafia2 Sam 21.21 tropas di Israel; bo dan un omi pa no geria ku ŋutru.”

11Oca Saul ku tudu Israel obi ki palabra di filisteu, e panta, e medi dimas.

Jesé manda Davi pa si ermons

12Davi seduba fiju di un omi efrateuKum 35.19 comadu Jesé, di Belen di Judá, ku teneba oitu fiju. Na tempu di Saul i seduba ja un omi beju, di idadi avansadu.

13Tris fiju mas beju di Jesé e bai tras di Saul pa gera. Nomi di si purmeru fiju i Eliab; si sugundu fiju i Abinadab, si terseru i Samá.

14Davi seduba mas pikininu; ki tris mas garandi e bai tras di Saul,

15ma Davi, utru ora i ta bai pa Saul, utru ora i ta riba pa Belen pa bai bakia karnel di si pape.

16Ki filisteu ta ciga i firma la parmaña ku di tardi duranti korenta dia.

17Un dia Jesé fala si fiju Davi: “Leba e vinti litru di miju yasadu ku e des pon, bu janti ku elis pa bu ermons na kampamentu,

18ma e des keẑu2 Sam 17.28-29 di liti, bu ta leba elis pa se kumandanti. Bu ta jubi bu ermonsKum 37.14 kuma ke sta, bu ta tisin un kusa ku na mostra kuma e sta bon.

19E sta ku Saul ku tudu omis di Israel na kobon di karvaju, e na geria ku filisteus.”

20Davi lanta mandrugada, i fika si karnel na mon di un guarda, i toma si kargu, i pega kamiñu, suma ku Jesé falalba. I ciga na kampamentu oca tropas na sai pa forma na pusison di gera, e na grita pa yentra na gera.

21Israelitas ku filisteus e toma se pusison kontra ŋutru.

22Davi disa kargu na mon di guarda di bagaẑen, i kuri pa fileras, i ciga i punta si ermons si e sta bon.

23Oca ki na papia inda ku elis, ki kampion filisteu comadu Golias, di Gat, i sai na filera di tropas di filisteus, i ripiti ki palabras ki ta papia sempri. Davi obil.

24Tudu omis di Israel kaba oja ki omi, e kuri del ku garandi medu.

25Omis di Israel na fala ŋutru: “Jubil! Ki omi ta sai sempri pa disafia Israel. Omi ku matal, rei na dal manga di rikesa, i na dal si fiju pa i kasaJos 15.16 ku el; familia di si pape na fika libri di paga mpustuEsd 7.24 na Israel.”

26Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

27Jinti torna ripiti ki palabra, e fala: “Asin ku ’sin ke na fasi pa omi ku matal.”

28Eliab, si ermon mas garandi, obil i na papia ku ki omis; i paña raiba di Davi, i puntal: “Ke ku bu bin fasi li? Kin ku bu fika ku ki puku karnel la na lala? N kunsi bu orgulyu, ku maldadi di bu pensamentu! Bu bin son pa bin jubi gera.”

29Davi puntal: “Nta ke ku N fasi? N ka pudi punta?”

30I rabida pa utru, i kumsa papia mas na ki asuntu. Jinti torna ruspundil ku mesmu palabra.

31Utru jinti obi ke ku Davi na fala, e bai konta Saul. Saul manda buskal.

Davi purpara pa geria ku Golias

32Davi fala Saul: “Ka ningin pirdi animuNum 13.30; Lei 20.1-4 pabia de filisteu; bu servu na bai geria ku el.”

33Saul fala Davi: “Bu ka na pudi bai geria ku ki filisteu, pabia abo i rapas inda; el i omi di gera disna ki sedu rapas.”

34Davi fala Saul: “Bu servu ta bakia karnel di si pape. Si un lion o un ursu bai pa paña karnel di koral,

35N ta bai si tras, N ta atakal, N libra karnel na si boka. Si i lanta pa mi, N ta pegal na barba, N sutalŜef 14.5-6 tok N mata.

36Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.

37SIÑOR ku libran2 Tim 4.17-18 na mon di lion ku di ursu, i na libran na mon di ki filisteu.” Saul fala Davi: “Bai; SIÑOR na sta ku bo.”

38Saul bisti Davi ku si propi ropa di gera, i pul kapasiti di bronzi na si kabesa, i bistil un kasaku di metal.

39Davi mara spada riba di ki kasaku, i kumsa na yanda, ma i ka kustumaba ki kusas. I fala Saul: “N ka pudi yanda ku es, pabia N ka kustumal.” Asin i tira elis.

40I pega si po di bakia, i kuji sinku pedra lisu na riusiñu, i pui elis na si saku di bakia ku ta sirbil suma bolsu; i pega tambi si lamparan, i bai pa kontra ku ki filisteu.

41Filisteu tambi i na bin pa Davi; ki soldadu ku ta lebalba tajadera i na binba si dianti.

42Filisteu jubi Davi diritu, i oja kuma i sedu rapas inda, ku bon parsensa ku rostu di saudi; i njutil,1 Kor 1.27-29

43i puntal: “Ki po i pa ke? Nta ami iKap 24.14; 2 Sam 3.8; 9.8; 16.9; 2 Re 8.13 kacur?” I maldisua Davi na nomi di si deusis,

44i falal mas: “Bin! N na da bu karni pa kacus ku ta bua ku limarias di matu.”

45Davi fala filisteu: “Bu bin pa mi ku spada, ku kañaku ku kañakusiñu, ma ami N na bai pa bo na nomi di SIÑOR ku ten tudu puder, Deus2 Sam 22.33-35; 2 Kron 32.8; Sal 124.8; 2 Kor 10.4 di tropas di Israel, kil ku bu disafia.

46Aos propi SIÑOR na ntregau na ña mon; N na matau, N na tirau kabesa. Aos propi N na da kadaveris di tropas di filisteus pa kacus ku ta bua ku limariasIs 56.9; Apok 19.17-18 di matu. Tudu mundu na sibi kuma i ten Deus na Israel.

47Tudu jintis ku junta li e na sibi kuma i ka ku spada nin ku kañaku ku SIÑOR ta salba, pabia e geraKap 14.6; 2 Kron 20.15-17; Rom 8.31,37 i di SIÑOR; i na ntrega bos na no mon.”

Davi mata Golias

48Oca filisteu kumsa na avansa pa Davi, Davi kuri pa bai kontra ku el,

49i miti mon na saku, i tira un pedra, i fercal ku lamparan, i paña filisteu na testa; pedra fural testa, i yentra; omi kai ku rostu na con.

50Asin Davi ngaña filisteu ku lamparan ku pedra, i batil, i matal sin spadaŜef 3.31; 15.15 na mon.

51Davi kuri i firma riba del, i tira spadaKap 21.9; 2 Sam 23.21; Est 7.10; Sal 7.15-16; Eb 2.14; 11.34 di filisteu na si baiña, i matal, i kortal kabesa.

Oca filisteus oja kuma se kampion muri, e rabida e kuri.

52Omis di Israel ku di Judá lanta, e grita, e serka filisteus tok e ciga na kobon, e bai te na porton di Ekron. Filisteus kai firidu na tudu kamiñu ku ta bai pa Saarain, te Gat ku Ekron.

53Oca fijus di Israel riba di serka filisteus, e toma tudu kusas na se kampamentus.

54Davi toma kabesa di Golias, i lebal pa Jerusalen, ma i pui feramentus di gera di Golias na si tenda.

55Oca Saul na jubi Davi na bai pa kontra ku ki filisteu, i punta Abner, ŝef di tropas: “Abner, ki rapas i fiju di kin?” Abner falal: “Na bardadi, Ñu Rei, N ka sibi.”

56Rei falal: “Bai punta de rapas, kin ku sedu si pape.”

57Oca Davi na riba di mata ki filisteu, ku kabesa di kila na si mon, Abner tomal i lebal nunde Saul.

58Saul puntal: “Rapas, abo i fiju di kin?” Davi falal: “Ami i fiju di bu servu Jesé di Belen.”