Isaias 54 - Portuguese Creole Bible, Guinea-Bissau

SIÑOR bensua Israel

1SIÑOR fala:

“Kanta ku alegria, abo, minjerGal 4.27 sebadu

ku nunka ka padi;

grita ku kontentamentu ku kantiga di alegria,

abo ku nunka ka tene dur di partu,

pabia fijus di minjer ku fika sin omi

i mas ciu di ki fijus di kil ku kasadu.

2Buri spasu pa bu pudi aumentaKap 49.20 bu tenda,

bu junda kurtinas pa i fika mas largu.

Ka bu fika insuguru;

menda korda pa i bai mas lunju,

bu tesanta stakas.

3Bu na aumenta frontera di bu tera

na skerda ku direita;

bu jorson na bin toma konta di utru nasons,

e na bai mora na prasas ku bandonaduba ja.

4“Ka bu medi pabia bu ka na pasantadu borgoña;

ka bu burguñu, pabia bu ka na kunfundidu.

Bu na diskisi di infidelidadi di bu nobresa;

bu ka na lembra mas di borgoña di bu tempu di viuva.

5Kil ku kumpou, i el ki buJer 3.14 omi;

si nomi i SIÑOR ku ten tudu puder.

Deus Santu di Israel i bu Libertadur;

el i na comadu DeusZak 14.9 di tudu mundu.

6Abo i suma minjer ku kasa na si nobresa,

ku sta tristi di spiritu pabia iKap 62.4 bandonadu,

ma ami, SIÑOR bu Deus, N comau, N na falau:

7N disau son un bokaduKap 26.20; 2 Kor 4.17 di tempu,

ma N na torna tisiu pa mi ku garandi amor.

8N paña raiba garandi,

N sukundi ña rostu di bo pa un bokadu di tempu,

ma N na sinti pena di bo

ku bondadiJer 31.3 ku ka ta kaba.”

Asin ku SIÑOR, bu Libertadur, fala.

9“Es ta pun pa N lembra cuba na tempu di Noe,

pabia N jurmentaKum 8.21; 9.11 kuma yagu di Noe

ka na toma konta mas di tera.

Asin tambi N jurmenta pa ka raiba mas kontra bo,

nin pa ka raprindiu.

10Nin si montañas bulbuli,

o montis tiraduKap 51.6; Sal 46.2; Mat 5.18 na se lugar,

ña bondadi ka na bulbulidu;

ña kontratu di pas ka na mainadu.”

Asin ku SIÑOR ku ta ten pena di bo fala.

11“Abo, prasa kastigadu, ku turbada suta,

bu fika sin konsolason.

N na fajau ku pedras1 Kron 29.2; Apok 21.18-21 bonitu,

N pui bu alisersu riba di safiras.

12N na kumpu bu toris ku rubins,

ku portons di pedras ku ta lampra suma fugu.

Mura tudu na sedu di pedras di balur.

13SIÑOR na nsinaJon 6.45; 1 Kor 2.10; 1 Tes 4.9; 1 Jon 2.20 tudu bu fijus;

e na ten pas ciu.

14Bu na firmantadu ku justisa,

bu na fika libri di kilis ku ta kalkau

ku kilis ku ta pantau,

pabia e ka na pertu bo;

bu ka na torna medi mas.

15Si algin bin pa atakau,

i ka na sedu ami ku mandal.

Kilis ku junta pa bin kontra bo

e na kai bu dianti.

16“Jubi, i ami ku kumpu fereru,

ku ta bana brasa di fugu,

pa kumpu bon material di gera.

I ami ku kumpu danadur pa i ba ta dana.

17Tudu material di gera ku purparadu kontra bo

ka na fasiu nada.

Tudu algin ku keŝa di bo na otridadi,

bu na ngañal.

Es i yardansa di servus di SIÑOR;

i ami ku na justifikaKap 45.24-25 elis.”

Asin ku SIÑOR fala.