Isaias 52 - Portuguese Creole Bible, Guinea-Bissau

Deus na liberta Jerusalen

1Disperta,

na oja salbason di no Deus.

11Bo sai, bo sai diKap 48.20; 2 Kor 6.17 la!

Ka bo toka kusa ku ka sedu puru.

Bo sai na ki tera, bo purifika,

abos ku ta leba material di kasa di SIÑOR.

12Ma bo ka na sai dipresa

nin bo ka na kuriSai 12.33,39; 14.19; Mik 2.13 suma kil ku na fusi,

pabia SIÑOR na bai bo dianti;

Deus di Israel na sedu bo guarda di tras.

Kasabi ku gloria di Mesias

13Jubi, ña ServuKap 42.1 na tarbaja ku jiresa;

i na garandisidu,

i na yalsadu riba pa sedu mas altu di tudu.

14Manga delis e fika dimiradu oca ke ojal,

pabia si parsensa danadu

mas di ki kualker utru,

tok nin i ka parsiSal 22.6 omi.

15Asin, di mesmu manera, manga di nason na dimira ku el;

reis na fica se boka pabia del,

pabia e na oja kil ke kaRom 15.21 kontaduba,

e na ntindi kil ke ka obiba.