Ripitison di Lei 7 - Portuguese Creole Bible, Guinea-Bissau

Ordi pa kaba ku kananeus ku se idulus(Sai 34.11-16)

1SIÑOR bu Deus na yentrandau na ki tera ku bu na bai toma pa bo. Ora ku bu yentra, i na tira fora seti nason mas ciu i mas forti di ki bo: eteus,Kum 15.19-21; Sai 3.8; Jos 11.3 jirgaseus, amoreus, kananeus, perizeus, eveus ku jebuseus.

2Ora ku SIÑOR bu Deus ntrega elis na bu mon pa bu ngaña elis, bu ten ku mata elisNum 33.52 tudu. Ka bu fasi kontratu ku elis, nin ka bu ten pena delis.

3Ka bu kasaSai 34.16 ku elis; ka bu da bu fijus femia pa e kasa ku se fijus, nin ka bu toma se fijus femia suma minjeris pa bu fijus,

4pabia e ta disvianta bu fijus di mi, e leba elis pa e sirbi utru deusis. Asin, raiba di SIÑOR i ta sindi kontra bos, i ta kaba ku bos kinti-kinti.

5Asin ku bo na fasi elis: Bo bati se altaris, bo kebra se kulunas sagradu, bo dana se idulus di Aserá, bo kemaKap 7.25; Sai 34.13 se imaẑens labradu na fugu.

6Abos i pobu sagraduSai 19.5 pa SIÑOR bo Deus. El i kuji bos na metadi di tudu rasas na mundu pa bo sedu si propi pobu spesial.

7I ka pabia bo seduba mas ciu di ki tudu utru rasas ku manda SIÑOR pui sintidu na bos, i kuji bos, ma bo seduba nason mas pikininu di tudu.

8SIÑOR tenba amor pa bos, tambi i mistiba kumpri ki purmesa ki fasiba bo papes ku juramentu; e ku manda i tira bos ku monSai 13.3 forti, i kaplinti bos di tera di katiberasku, di mon di Faraó, rei di Ejitu.

9Asin bu dibi di ntindi kuma SIÑOR bu Deus, el ki Deus; i Deus fiel ku ta guarda siKap 7.12; 1 Re 8.23 kontratu. I na mostra bondadi te mil manjuandadi di kilisSai 20.6 ku amal, e obdisi si mandamentus,

10ma kilis ku odial, i ka na tarda pa da elisKap 32.35,41; Sal 21.8-9; Dit 11.31; Is 59.18; Naun 1.2; Rom 12.19 se pagamentu, i na kaba ku elis.

11Asin, ba ta obdisi mandamentus, regras ku leis ku N na dau aos.

Obdiensia ta tisi benson(Lei 28.1-14)

12Si bu para atenson pa e leis, bu pui sintidu na obdisi elis, SIÑOR bu Deus na sedu fiel na guarda kontratu ki fasi ku bu papes ku juramentu, i na mostrau si bondadi.

13I na amau, i bensuau, i aumenta bu numeru, i pui pa bu padi ciu. I na bensua prudutu di bu con, bu trigu, biñu nobu, azeiti, ku bu kriason di baka, karnel ku kabra, na tera ki jurmenta pa bu papes kuma i na dau.

14Bu na sedu mas sortiadu di ki tudu utru rasas. I ka na ten ningin na bo metadi, nin macu nin femia, ku ka na pudi padi, nin na metadi di bo limarias tambi.

15SIÑOR na librau di tudu duensa;Sai 15.26 i ka na manda riba di bo kualker di ki duensas mau di ejipsius ku bu kunsiba la na Ejitu, ma i na pui elis riba di kilis ku odial.

16Bu ten ku kaba ku tudu rasas ku SIÑOR bu Deus ntrega na bu mon; ka bu mostra penaKap 7.2 pa elis, nin ka bu sirbi se deusis, pabia kila i ta sedu lastru pa bo.

17Bu pudi fala na bu sintidu: “Ki jinti e mas ciu di ki mi; kuma ku N na pudi tira elis fora?”

18Ka bu ten medu delis, ma lembra sempri di kil ku SIÑOR bu Deus fasi FaraóKap 4.34; 6.22 ku tudu ejipsius.

19Bu oja ki garandi kastigu ku bu uju, ku milagris ku kusas garandi ku SIÑOR fasi, manera ki distindi si mon forti i tirau. Asin ku SIÑOR bu Deus na fasi tudu ki rasas ku bu na sinti medu delis.

20Tambi SIÑOR bu Deus na manda bageraSai 23.28; Jos 24.12 na se metadi, tok kilis ku kapli e sukundi di bo e kaba muri tudu.

21Ka bo panta se dianti, pabia SIÑOR bo Deus ku sta na bo metadiNum 14.9,14; Jos 3.10; 2 Kron 32.8 i Deus garandi i meduñu.Kap 10.17; 26.8; 1 Sam 4.8; 1 Kron 17.21; Ne 1.5; 4.14; 9.32; Dan 9.4

22SIÑOR bu Deus na tira ki jinti fora puku puku konformi ku bu na avansa. Bu ka na pudi kaba ku elis tudu di un bias, pa ka limariasSai 23.29-30 di matu buri, e ataka bos.

23Ma SIÑOR na ntregau ki jinti, i na pui elis pa e panta dimas, tok e kabadu ku el.

24I na ntrega se reis na bu mon, pa bu mata elis tok se nomis ka na lembradu mas. Nin un omi ka na pudi firmaKap 11.25; Jos 1.5; 10.8; 23.9; Is 54.17 kontra bo; bu na kaba ku elis.

25Bu na kemaKap 7.5 imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastruŜef 8.27; 1 Tim 6.9-10 pa pañau, pabia i kusa nujenti pa SIÑOR bu Deus.

26Ka bu miti un idulu nujenti na bu kasa, pa ka bu bin kabadu ku el, suma ku ki idulu na kabadu ku el. Bu ten ku nuju el, bu odial,Is 30.22 pabia i sta bas di maldison, pa i kabadu ku el.