1 Koríntius 13 - Portuguese Creole Bible, Guinea-Bissau

1N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

2N pudi tene donKap 12.8-10 di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

3N pudi pati pobris tudu ku N tene; N pudi da ña kurpu propi pa i kemadu, ma si N ka ten amor, N ka na purbita nada.

4AmorDit 10.12; 1 Ped 4.8 i sufridur, i bon. Amor i ka nveẑosu; amor ka ta njata, i ka orgulyosu,

5i ka mal-kriadu, i kaKap 10.24 intereseru, i ka lestu di raiba, i ka rankorosu,

6i ka taRom 1.32 kontenti ku mal di utru, ma i ta kontenti ku kusa2 Jon 4 di bardadi.

7I ta sufri tudu; si fe, si speransa ku si pasensa2 Tim 2.24 nunka ka ta kaba.

8Amor nunka i ka ta falia, ma si anunsius ten, e na kaba. Si linguas ten, e na para. Si kuñisimentu ten, i na disparsi,

9pabia no kuñisimentu ku no anunsius i ka kompletu,

10ma ora ku kil ku kompletu ciga, kil ku ka kompletu na pirdi.

11Ocan mininu N ta papiaba suma mininu, N ta sinti suma mininu, N ta kuda suma mininu, ma ocan garandi, N kaba ku kusas di mininesa.

12Kil ku no na oja gosi, i suma bo na oja fusku na spiju, ma na tempu2 Kor 3.18; 5.7; 1 Jon 3.2 ku na bin bin, no na oja kara ku kara. Kil ku N sibi gosi, i son un kusa lebi, ma na ki tempu N na kunsi kusa klaru, suma ku Deus kunsin.

13Gosi inda no na fika ku e tris kusa: fe, speransa ku amor, ma mas garandiMat 22.37-39 di tudu i amor.