Josué 6 - Portuguese Creole Bible, Guinea-Bissau

Kaida di Jerikó

1Jerikó staba ficadu diritu pabia di fijus di Israel. Ningin ka pudi sai, nin yentra.

2SIÑOR fala Josué: “Jubi, N ntrega JerikóKap 2.9,24 na bu mon, ku si rei, ku si omis di gera.

3Abo ku tudu bu tropas bo na da volta di prasa un bias kada dia duranti seis dia.

4Ranja seti saserdoti pa e yanda dianti di arka, ku kornetasNum 10.1-10; Ŝef 7.8,18-22; 2 Kron 13.12 di cifri di karnel. Na setimu dia, bo na da volta di prasa seti bias, nkuantu saserdotis na toka korneta.

5Ora ku bo obi e na toka diSai 19.16,19 kumpridu, tudu tropas ta grita ku forsa; dipus, mura di prasa ta kai. Tropas e ta bai, kada omi pa kau ku sta si dianti.”

6Asin Josué, fiju di Nun, i coma saserdotis, i fala elis: “Bo leba arka di kontratu di SIÑOR; seti saserdoti e ta leba kornetas dianti di arka.”

7I da ordi pa si tropas pa e kumsa janan da volta di prasa, ku guarda yarmadu dianti di arka di SIÑOR.

8Oca ku Josué kaba papia ku tropas, ki seti saserdoti ku na leba seti korneta dianti di SIÑOR e pega kamiñu, e na toka se kornetas. Arka di kontratu di SIÑOR na sigi elis.

9Guardas yarmadu na marŝa dianti di saserdotis ku na tokaba kornetas; utru guardas yarmadu e na baiba tras di arka. Saserdotis na tokaba sempri kornetas.

10Josué daba tropas ordi, i fala elis: “Ka bo grita, nin ka bo disa ningin obi bo fála; ka nin un palabra sai na bo boka te na dia ku N fala bos pa bo grita. Na ki ora bo na grita.”

11Asin i pui pa e leba arka di SIÑOR pa e da volta di prasa un bias. Dipus, tropas riba pa kampamentu, e durmi la.

12Josué mandurga; saserdotis lambu arka di SIÑOR.

13Ki seti saserdoti ku na lebaba seti korneta e pega kamiñu dianti di arka di SIÑOR, e na toka korneta sin para. Guardas yarmadu e bai se dianti; utrus na marŝa tras di arka di SIÑOR.

14Asin e da volta di prasa un bias na sugundu dia, e riba pa kampamentu. Asin ke fasi duranti seis dia.

15Na setimu dia, e lanta di mandrugada, e da volta di prasa seti bias na mesmu manera, ma son na ki dia e da volta seti bias.

16Na setimu volta, saserdotis toka korneta di kumpridu. Josué fala tropas: “Bo grita, pabia SIÑOR da bos e prasa.

17Ma prasa ku kusas ku sta nel i ten ku danaduKap 7.1,11-13; Sir 27.28-29; Num 21.2-3 tudu, pabia i di SIÑOR. Ningin ka na salbadu, son ki minjer di mau nomi, Raab, ku tudu jinti ku sta ku el na si kasa, pabia i sukundi spions ku no manda.

18Bo libra di toma kusas ku Deus fala pa dana, pabia, si bo tomal, bo na tisi kastigu ku danuKap 7.25; 1 Re 18.17-18 riba di kampamentu di Israel.

19Tudu prata ku uru ku putis di bronzi ku di feru i sagradu pa SIÑOR, i ten ku bai pa si kofri.”

20E toka korneta; tropas obi, e grita risu; mura kai.Kap 6.5; Eb 11.30 Kada omi janti i yentra na kau ku sta si dianti; asin e toma prasa.

21E toma spada e mata tudu na prasa ku tenebaLei 7.2-3,16 vida, suma omis ku minjeris, mininus ku bejotis, bakas, karnel ku burus.

22Josué fala ki dus omi ku baiba jubi tera: “Bo yentra na kasa di ki minjer di mau nomi, bo tiral la, ku tudu ki tene, sumaKap 2.14 ku bo jurmenta.”

23Asin ki dus rapas ku baiba jubi tera e yentra, e tira Raab,Eb 11.31 si pape ku mame, si ermons ku tudu si parentis. E tisi tudu si familia, e pui elis na un kau fora di kampamentu di Israel.

24Dipus e kema prasa ntidu, ku tudu ku staba nel, ma e pui prata ku uru, ku putis di bronzi ku di feru, na kofri di kasa di SIÑOR.

25Josué salba vida di ki minjer di mau nomi, Raab, ku familia di si pape, ku tudu si parentis, pabia i sukundiba ki omis ku Josué manda pa e bai jubi Jerikó. I sinta na metadi di IsraelMat 1.5; Tia 2.25 te aos.

26Na ki tempu Josué da praga, i fala: “Praga di SIÑOR na kai riba di omi ku lanta pa torna kumpu1 Re 16.34; 2 Re 2.4; Esd 2.34; Luk 19.1 e prasa di Jerikó.

Ku mortu di si purmeru fiju ki na pui alisersu;

ku mortu di si fiju mas nobu ki na pui porton.”

27Fama di Josué laga pa tudu parti di tera, pabia SIÑOR staba ku el.