Ripitison di Lei 24 - Portuguese Creole Bible, Guinea-Bissau

1I pudi sedu ku un omi kasa ku minjer; dipus i ka bin gosta del pabia i oja un kusa fiu nel, i skirbi kartaMal 2.16; Mat 5.31-32; 19.7-9; Luk 16.18 di kaba-kasamenti, i dal el, i dispidil di si kasa.

2Minjer pudi sai na si kasa, i bai kasa ku utru omi.

3Ki sugundu omi tambi i pudi bin ka gosta di minjer, i skirbi karta di kaba-kasamenti, i dal el, i dispidil di si kasa; o ki sugundu omi ku kasal i pudi muri.

4Na un kasu suma es, ki si purmeru omi ku dispidil i ka pudi torna risibilJer 3.1 pa i sedu si minjer, pabia i sta ja kontaminadu. Si i fasi asin, i ta sedu un kusa nujenti dianti di SIÑOR. Ka bu tisi pekadu pa tera ku SIÑOR bu Deus dau pa bu yarda.

5Ora ku un omi kumsa kasa ku si bajuda, i ka dibi di mandadu pa gera, nin i ka dibi di pudu utru kargu publiku. I ten ku fika libri na si kasaKap 20.7; Ekl 9.9 pa un anu ntidu, pa el ku si minjer pudi kontenti.

6Si bu pista algin, ka bu pul pa i mpiñau si dus pedra di mui, nin mesmu ki pedra di riba, pabia i ta sedu suma i mpiñau si vida.

7Si i diskubridu kuma algin furta un di si ermons israelita, pa tenel suma katibuSai 21.16; 1 Tim 1.10 o pa bindil, ki ladron ten ku matadu. Asin bu ta tira ki mal na bo metadi.

8Toma sintidu ku mpincu ku ta kamba, bu fasi konformi saserdotisSir 13.1-46 levita nsinau; bu pui sintidu pa obdisi tudu ordis ku N da elis.

9Lembra di kil ku SIÑOR bu Deus fasi MirianNum 12.10-15 na kamiñu, dipus ku bu sai na Ejitu.

10Si bu pista bu kumpañer un kusa, ka bu yentra na si kasa pa toma ropaKap 15.8 ki na dau pa mpiñau.

11Fika la fora; ki omi ku bu pista kusa i na tisiu ki ropa fora.

12Si ki omi i koitadi, ka bu bai dita ku ki ropa inda na bu mon.

13Ora ku sol na noti, sin falta bu ta tornalKap 24.17; Sai 22.26-27; Ez 18.7; 33.15 el, pa i pudi durmi ku si ropa, i bensuau. SIÑOR bu Deus ta oja kuma bu fasi un kusa ki diritu.

14Ka bu splora un tarbajadurMal 3.5; Tia 5.4 pobri ku ten falta, nin si i di Israel o i stranjeru ku mora na un di bu prasas.

15Si i tarbaja pa bo, bu ta pagal na ki mesmu dia, antis di sol noti, pabia el i koitadi, i na pera risibi si diñeru. Si i ka ojal, i pudi coma pa SIÑORKap 15.9; Sai 22.23; Sir 19.13; Mat 20.8 kontra bo; bu ta ojadu ku pekadu.

16Papes ka na matadu pabia di krimis di se fijus, nin fijus ka na matadu pa krimis di se papes; kada kin i na matadu pabia di si propi2 Re 14.5-6; 2 Kron 25.4; Jer 31.29-30; Ez 18.20 pekadu.

17Ka bu nega fasi justisa sertu pa stranjerusKap 1.16-17; 16.19; 27.19; Sai 22.21-22; 23.2-3,6-9; Sal 82.1-4; Dit 31.4-5; Is 1.23; Jer 5.28; 22.3; Ez 22.7,29; Zak 7.9-10 ku orfans, nin ka bu seta pa viuva mpiñau si ropa.

18Lembra di kuma bu seduba katibu naKap 10.19 Ejitu, ma SIÑOR kaplintiu di la. E ku manda N na dau ordi pa bu fasi asin.

19Ora ku bu na kebra na bu lugar, si bu diskisi di utru maradura, ka bu riba tras pa tomal; i na fikaSir 19.9-10 pa stranjeru, orfan ku viuva, pa SIÑOR bu Deus pudi bensuau na tudu bu tarbaju.

20Ora ku bu sakudi bu olivera, ka bu riba tras pa buska kilis ku kapliu; e ta fika pa stranjeru ku orfan ku viuva.

21Ora ku bu kuji uvas na bu orta, ka bu riba tras pa buska kilis ku kapliu; e ta fika pa stranjeru ku orfan ku viuva.

22Lembra di kuma bu seduba katibu na tera di Ejitu; e ku manda N na dau ordi pa bu fasi asin.