Mateus 10 - Portuguese Creole Bible, Guinea-Bissau

Jesus manda si dozi disipulu(Mar 3.13-19; 6.7-13; Luk 6.12-16; 9.1-6)

1Jesus coma si dozi disipulu, i da elis puderLuk 10.19 pa serka spiritu mau, pa kura tudu koldadi duensa ku frakesa.

2NomiAt 1.13 di ki dozi apostolu i es: Purmeru, Simon ku comadu Pedru, ku André si ermon; Tiagu, fiju di Zebedeu, ku Jon si ermon;

3Filip ku Bartolomeu; Tome ku Mateus, kobradur di mpustu; Tiagu, fiju di Alfeu, ku Tadeu;

4Simon di partidu ku mistiba indipendensia, ku Judas Iskariotis, kil ku falsia Jesus.

5Jesus manda ki dozi ku e ordi: “Ka bo bai pa tera di jinti ki ka judeus, nin ka bo yentra na prasas di2 Re 17.24; Luk 9.52-53; Jon 4.4-42; At 1.8; 8.1,5-25 samaritanus,

6ma bo bai pa jinti di Israel ku pirdiKap 9.36; Luk 15.4-7 suma karnel.

7Na kamiñu bo kumsa na konta: ‘RenuKap 3.2 di seu ciga.’

8Bo kuraMar 16.18; Luk 10.1-12; At 3.6; 20.33-35 duentis, bo lantanda mortus, bo kura kilis ku tene mpincu, bo serka dimonius na jinti. Di grasa ku bo risibi; di grasa ku bo na da.

9Ka bo leba uru, prata o kobri na bo bolsu.

10Ka bo leba1 Kor 9.4-14; Gal 6.6; 1 Tim 5.17-18 pasta, nin dus kamisa, nin sapatu, nin manduku, pabia tarbajaduris ten diritu di se sustentu.

11Ora ku bo ciga na un prasa o tabanka, bo buska algin di fiansa; bo ta gasija na si kasa te ora ku bo na sai la.

12Ora ku bo na yentra na un kasa, bo fala manteña di pas pa kilis ku sta la.

13Si e seta, bo pas ta fika ku elis, ma si e ka seta, bo ta leba bo pas.

14Si na un lugar ningin ka risibi bos, nin e ka obi bo palabra, ora ku bo na sai na ki kasa o prasa, bo sakudiNe 5.13; At 13.51; 18.6 puera di bo pe.

15Na bardadi N na konta bos kuma, na dia di juisu, i na bin ten menus kastigu pa jinti di SodomaKap 11.21-24; Kum 19.24-25 ku Gomora di ki jinti di ki prasa.

16Ali N na manda bos suma karnel na metadi di lubu; gosi bo dibi di jiruRom 16.19 suma kobra, mansu suma pumba.

17Bo toma sintidu ku jinti, pabia e na bin leba bosKap 24.9-10; 26.59; At 4.5-22; 5.27-40; 22.19,30; 26.11; 2 Kor 11.24-26 na Konseliu, e na bin suta bos na se kasas di juntamentu.

18Pabia di mi bo na lebadu dianti di gubernaduris ku reis, pa bo pudi sedu tustumuñas pa elis ku kilis ku ka sedu judeu,

19ma, ora ku bo ntregadu, ka bo kuda kuma ku bo na papia,Mar 13.11-13; Luk 12.11; 21.15; At 4.8-12; 2 Tim 4.17 o ke ku bo na fala, pabia na ki ora bo na dadu palabras ku bo na fala.

20I ka abos ku na papia, ma Spiritu2 Sam 23.2; Mar 12.36; At 2.4; 4.8; 6.10; 7.55-56; 28.25; 2 Ped 1.21 di bo Pape, el ku na papia na bos.

21“Un ermon na bin ntrega si propi ermonMik 7.6; Mar 13.12-13; Luk 12.51-53; 21.16 pa i matadu; papes na ntrega se propi fijus; fijus na lanta kontra papes, e na pui pa e matadu.

22Tudu jinti na nfastiaKap 24.9,13; Luk 6.22; 21.17; Jon 15.18-19; 17.14; 1 Jon 3.13 bos pabia di ña nomi, ma kil ku fika firmi te na finSal 119.33; Dan 12.12-13; Rom 2.7; Gal 6.9; Eb 3.6,14; 6.11; Apok 2.10,26 i na salba.

23Ora ke na pirsigi bos na un prasa, bo kuri pa utru, pabia na bardadi N na konta bos kuma, antis di bo kaba kurkuri prasas di Israel, Fiju di omiKap 16.28; 24.27-30,44; 26.64; Mar 13.26; Luk 18.8 na ciga.

24Disipulu i ka masLuk 6.40; Jon 13.16; 15.20 si mestre, nin kriadu i ka mas si patron.

25Basta pa disipulu sta suma si mestre, pa kriadu sta suma si patron. Si e coma dunu di kasa Beelzebu,Kap 9.34 ku fadi restu di familia!

26“Asin, ka bo ten medu delis, pabia i ka ten nada kubriduMar 4.22; Luk 12.2-3; 1 Kor 4.5 ku ka na bin diskubridu, nin sukundidu ku ka na bin sibidu.

27Ke ku N konta na sigridu, bo papial di dia; kil ku kontadu na oreja, bo kontal riba di kankra.

28Ka bo mediIs 8.12-13; 51.7,12; Luk 12.4-7; Fil 1.28; Apok 2.10 kilis ku ta mata kurpu, e ka pudi mata alma, ma bo medi DeusEkl 8.12-13; Is 66.2; Jer 5.22; Eb 12.28-29 ku pudi mata kurpuKap 25.46; Mar 9.43-48; Luk 16.23-28; 2 Tes 1.7-10; Apok 20.10-15 ku alma na nfernu.

29Nta e ka ta bindi dus jamba pa mil pes? Ma nin un delis ka ta kai na con sin bo Pape ka seta.

30Te kabeluLuk 21.18 di bo kabesa i kontadu tudu.

31Ka bo ten medu, pabia bo ten mas balurKap 6.26 di ki manga di kacu.

32Asin, tudu kil ku konta dianti di jintiLuk 12.8-9; Rom 10.9-10; 1 Tim 6.12-13; 2 Tim 1.8; 1 Jon 4.15; Apok 2.13; 3.5 kuma el i di mi, N na konfirma dianti di ña Pape ku sta na seu kuma el i di mi,

33ma kil ku neganKap 26.69-75; Luk 9.26; 2 Tim 2.12; 2 Ped 2.1; 1 Jon 2.23 dianti di jinti, tambi N na negal dianti di ña Pape ku sta na seu.

34“Ka bo pensa kumaLuk 12.49-53 N bin pa tisi pas na tera. N ka bin tisi pas, ma N tisi spada.

35N bin pa dividi omi kontraKap 10.21 si pape, fiju femia kontra mame, minjer kontra mame di si omi.

36Asin inimigu di algin i ta sedu si propi familia.

37Kin ku gosta di si pape o mameLei 33.9; Luk 14.26-27; Fil 3.7-8 mas di ki mi, i ka mersi sedu di mi; kin ku gosta di si fiju macu o femia mas di ki mi i ka mersi sedu di mi.

38Kin ku ka toma si krusKap 16.24-25; 27.32; Mar 8.34-35; Jon 19.17 pa bin ña tras, i ka mersi sedu di mi.

39Kin ku pega si vidaJon 12.25; Fil 1.20-21; 2 Tim 4.6-8; Apok 2.10 i na pirdil, ma kin ku pirdi si vida pabia di mi, i na ojal.

40“Kin ku risibiKap 18.5; 25.35-45; Luk 10.16; Jon 13.20; At 9.4; Gal 4.14 bos, i ami ki risibi; kin ku risibin, i risibi kilJon 5.23; 12.44-49; 1 Jon 2.22-23; 2 Jon 9 ku mandan.

41Kin ku risibi un anunsiadur1 Re 17.10-15,20,24; 18.3-4; 2 Re 4.8-10,16-17,27-37; At 16.15; Rom 16.1-4,23; 2 Tim 1.16-18; Eb 6.10; 3 Jon 5-8 pabia el i anunsiadur, i na risibi pagamentu suma anunsiadur; kin ku risibi un justu pabia i un justu, i na risibi pagamentu suma un justu.

42Kualker algin ku ciga di da, nin siMar 9.41; 12.42-44; 14.3-9; 2 Kor 8.12 i un kopu di yagu fresku pa un de mas puku, pabia el i ña disipulu, na bardadi N na konta bos kuma, di nin un manera i ka na pirdi si pagamentu.”