Jon 10 - Portuguese Creole Bible, Guinea-Bissau

Jesus, bon Bakiadur

1Jesus fala: “N na konta bos bardadi, kin ku ka yentra na porta na koral di karnel, ma i kamba na utru parti, i ladron, i bandidu.

2Kil ku ta yentra na porta i bakiadur di karnel.

3Porteru ta yabril porta, karnel ta obi si vos; el i ta coma nomi di si karnel, i ta tisi elis pa fora.

4Ora ki tira elis fora, i ta bai dianti; karnel ta sigil, pabia e kunsi si vos,

5ma e ta nega bai tras di kil ke ka kunsi; pa kontrariu, e ta kuri del, pabia e ka kunsi si fála.”

6Jesus da elis e komparason, ma e ka ntindi ke ki mistiba fala elis.

7Jesus torna fala elis: “Na bardadi, N na konta bos kuma i ami ki porta di koral di karnel.

8Tudu kilis ku bin antis di mi i ladron, i bandidu, ma karnel ka kudi elis.

9Ami i porta; kin ku yentraKap 14.6; Ef 2.18 na mi i na salba, i na parsi suma karnel ku na yentra, i na sai, i na oja paja pa kume.

10Ladron ta bin son furta, i mata, i dana. Ami N bin pa jinti tene vida, pa e tenel manga del.

11“Ami i bonIs 40.11; Ez 34.12,23; 37.24; Eb 13.20; 1 Ped 2.25; 5.4 bakiadur; bon bakiadur ta sta pruntu pa muri pa si karnel,

12ma mpregadu, kil ki kaZak 11.16-17 bakiadur, karnel i ka di sil, si lubu na bin, i ta kuri, i fika karnel; lubu ta rabata karnel, i pajiga elis.

13Mpregadu ta kuri pabia el i mpregadu son, i ka ta mporta ku karnel.

14-15Ami i bon bakiadur. Suma ku ña Pape kunsin, ami tambi N kunsi ña Pape. Asin ku N kunsiFil 3.10; 2 Tim 2.19 ña karnel, elis e kunsin; N sta pruntu pa muri pa elis.

16N tene inda utru karnel ku ka sedu de koral; tambi i pirsis pa N juntaIs 56.8 elis; e ta obi ña vos; i ta ten unEz 37.22; Ef 2.14-15 rebañu son ku un bakiadur.

17“Ña Pape aman, pabia N sta pruntu pa da ña vidaIs 53.7,12; Eb 2.9; 1 Jon 3.16 pa N torna tomal.

18Ningin ka ta tiran ña vida, ma i ami propiMat 26.53-54 ku ta dal. N ten puder pa dal, ku puder pa torna tomal. Asin ku ña Pape mandan pa N fasi.”

19I bin ten divisonKap 6.52 entri ŝefis di judeu pabia de palabras.

20Manga delis fala: “I teneKap 7.20 dimoniu; si kabesa ka sta diritu. Pa ke ku bo na obil?”

21Utrus fala: “E palabra i ka di kin ku tene dimoniu. Nta dimoniu pudi yabri ujuSai 4.11; Sal 146.8 di un segu?”

Jinti nega Jesus

22Na Jerusalen i tenba festival di dedikason. I seduba tempu di friu.

23Jesus na pasiaba na kasa di Deus, na barandaAt 3.11; 5.12 di Salomon.

24Ŝefis di judeu rodial, e puntal: “Te kal tempu ku bu na tene no alma riba? Si abo i Kristu, kontanu klaru.”

25Jesus ruspundi elis: “N konta ja bos; bo ka fia. Kusas ku N fasi na nomi di ña PapeKap 5.36 ta testifika di mi,

26ma abos bo ka fia pabiaKap 8.47 bo ka sedu ña karnel.

27Ña karnel ta obi ña vos; ami N kunsi elis; e ta sigin.

28N ta da elis vida ku ka taKap 3.16 kaba; nunka e ka na pirdi. Ningin ka na rabata elis na ña mon.

29Ña Pape ku dan elis i mas garandiKap 14.28 di ki tudu; ningin ka pudi rabata elis na mon di ña Pape.

30Ami ku ña Pape, anos i unKap 1.1,14; 17.11,22 son.”

31Ŝefis di judeu pega utru bias na pedraKap 8.59 pa da Jesus ku el.

32Jesus fala elis: “Manga di bias N fasi kusas bon bo dianti, na puder di ña Pape; kal de kusas ku pui bos bo na dan ku pedra?”

33Judeus ruspundil: “No ka na dau ku pedra pabia di nin un kusa bon ku bu fasi, ma pabia bu na lebsi Deus. Abo i omi, ma bu na coma bu kabesaKap 5.18 Deus.”

34Jesus punta elis: “Deus ka fala na bo lei kuma el i fala kuma abos iSal 82.6 deusis?

35Agora, Skritura ka pudi kabadu ku el. Si lei coma deusis kilis ku Deus manda si palabra pa elis,

36kuma ku bo fala gora kuma ami, ku ña Pape santifika, i manda pa mundu, N lebsil pabia N fala kuma ami i Fiju di Deus?

37Si N ka ta fasi tarbajuKap 15.24 ku ña Pape mandan pa N fasi, ka bo fia na mi,

38ma si N ta fasi tarbaju di ña Pape, nin si bo ka fia na mi, bo ta fia na ki tarbaju, pa bo pudi ntindi, bo fia kuma ña Pape staKap 14.10-11,20; 17.21 na mi; ami N sta nel.”

39Mas un bias e na buskaba manera di prindi Jesus, maKap 7.30,44; 8.59 i kapli na se mon.

40I torna riba pa utru banda di riu Jordon, pa lugar nunde ku JonKap 1.28 ta batisaba nel purmeru; i fika la.

41Manga di jinti na baiba nunde el; e fala: “I bardadi. Jon ka fasi nin un sinal, ma tudu kusa ki papia aserka de omiKap 1.29; 3.30 i bardadi.”

42Manga di jinti ku bai la fiaKap 7.31 nel.