Ripitison di Lei 21 - Portuguese Creole Bible, Guinea-Bissau

Kasu di matadur diskuñisidu

1Si un omi ojadu mortu na matu, na tera ku SIÑOR bu Deus na dau pa bu yarda, sin i ka sibidu kin ku matal,

2bu garandis ku juisis na sai, e midi distansia di kau nunde ku kurpu dita nel te na prasas na roda.

3Garandis di prasa ku fika mas pertu di ki difuntu e na toma un baka nobu ku nunka ka pudu kanga riba del pa i tarbaja,

4e lebal na un kobon ku nunka ka labradu nin sumiadu, nunde ku yagu na lagua, e kebra si garganti.

5Saserdotis di jorson di Levi na bin mati tambi, pabia SIÑOR bu Deus kuji elis pa e sirbil, pa e bensua na nomi di SIÑOR, tambi pa e julga tudu keŝasKap 17.8-12 ku kasus di violensia, pa e toma disison.

6Dipus, tudu garandis di ki prasa mas pertu di ki difuntu e nala ba se monSal 26.6; 51.2,7,14; Jer 2.22; Mat 27.24 riba di ki baka ku kebradu si garganti na kobon,

7e na diklara, e fala: “I ka no mon2 Sam 3.28; Sal 7.3-5 ku darma ki sangi, nin no uju ka ojal.

8O SIÑOR, seta e sakrifisiu pa purdon di bu pobu Israel ku bu liberta; ka bu pui kulpa di sangi riba di bu pobu Israel di algin ku ka mersiJer 26.15 muri.” Asin ki darmamentu di sangi ta purdadu,

9ki kulpa ta tiradu riba di bos pabia bo fasi kil ki diritu na uju di SIÑOR.

Minjer ku prindidu na gera

10Ora ku bu sai pa geria kontra bu inimigus, si SIÑOR bu Deus ntrega elis na bu mon, bu leba utru prezu,

11si bu oja un minjer bonitu na metadi di ki katibus, bu gosta del, bu pudi tomal pa i sedu bu minjer.

12Lebal pa bu kasa, nunde ki na rapa kabesa, i korta uñas,

13i tira ropa ki bisti oca ki prindidu. Dipus di mora na bu kasa, i cora si pape ku mame un mis ntidu, bu pudi tomal, bu sedu si omi, el i ta sedu bu minjer.

14Mas tardi, si bu ka bin kontinua gosta mas del, bu ten ku disal pa i bai pa nunde ki misti. Bu ka pudi bindil, nin bu ka na tratalKap 22.28-29; Sai 21.7-11 suma katibu, pabia bu disonral.

Diritu di purmeru fiju

15Si un omi tene dus minjer, i ama un ma i ka ama ki utru, elis tudu dus e padi fiju ku el, si purmeru fiju i di kil ki ka ama,

16ora ki na ruma yardansa pa si fijus, i ka pudi pui purmeru fiju di ki minjer ki ama dianti di fiju di kil ki ka ama, ku sedu si purmeru fiju di bardadi.

17I ten ku rikuñisi fiju di minjer ki ka ama suma si purmeru fiju, i dal dus bias mas di si rikesa di ki kil ki na da ki utru, pabia el ku sedu purmeru frutuKum 49.3; Sal 105.36 di si forsa; diritu di purmeru fiju i di sil.

Fijus ku ka ta obi

18Si algin tene un fiju rebeldi ku ta ntema dimas, ku ka ta obdisi si pape ku si mame; nin si i kastigadu, i ka ta obi,Kap 27.16; Sai 20.12; 21.15,17; 2 Sam 7.14; Dit 13.24; 15.5; 19.18; 22.15; 23.13-14; 29.17; Jer 5.3

19si pape ku mame ten ku pegal, e lebal pa garandis na porton di prasa,

20e fala ki garandis: “E no fiju i rebeldi, kaba i ntemus, i ka ta obdisinu; son kume ku cami!”

21Tudu omis di se prasa e na dal ku pedras tok i muri. Asin bu na tira ki mal na bo metadi; tudu jinti di Israel ku obi e noba e na medi.

Kadaveris ten ku tiradu na po

22Si algin fasi un pekadu ku pul i mersi mortu, si i nforkadu na un po,

23si kurpu ka pudi durmi la. Bu ten ku nteral na ki mesmu dia, pabia kil ku pindradu na un po i sta bas di maldisonJos 8.29; Gal 3.13 di Deus. Asin, ka bu kontamina bu tera ku SIÑOR bu Deus dau pa bu yarda.