1 Jon Introduson - Portuguese Creole Bible, Guinea-Bissau

IntrodusonJon, ki disipulu ku Jesus amaba, skirbi e karta, talves serka di anu 90, dipus ki skirbi Bon Noba di Jesus. I tenba ja un nsinamentu falsu ku fala kuma, suma tudu kusa na mundu i mau, i kontaminadu, Jesus ka pudiba bin na kurpu di omi. Jon diklara kuma i obi fála di Jesus, i ojal ku uju, si mon toka nel, i tenba ligason ku Deus pabia di si Fiju, Jesus Kristu. I mistiba tambi pa kilis ku na lei e karta ten ki mesmu ligason. E ligason ku Deus i ta danu tambi ligason ku ŋutru, i ta judanu pa no yanda na lus di Deus.Jon misti pa no ten sertesa di vida ku ka ta kaba (5.11-13). No SIBI kuma no kapli ja di mortu pa vida, pabia no ama no ermons (3.14). No dibi di SIBI kuma no sta na Deus, Deus sta na nos, pabia i danu si Spiritu (4.13). No SIBI kuma Deus amanu (4.16). Leitor de karta na oja manga di utru kusa ku no pudi SIBI.