Josué 24 - Portuguese Creole Bible, Guinea-Bissau

Ultimu palabras di Josué

1Dipus Josué junta tudu jorsons di Israel na Siken; i coma garandis di Israel, ku se ŝefis, juisis ku funsionarius. E bin pursenta dianti di Deus.

2Josué fala tudu pobu: “Asin ku SIÑOR Deus di Israel fala: ‘Na tempu antigu, bo papes, suma Tera,

5“‘N bin manda Moisés ku Aron; N kastiga EjituSai 3.10; 4.12-16; 7–12 (bo sibi ke ku N fasi na se metadi); dipus N tira bos di la.

6Oca ku N tira bo papes na Ejitu, bo bin te naSai 12.51; 14–15 mar; ejipsius serka bo papes ku karus, ku tropas ku ta yanda na kabalu, te na Mar Burmeju.

7E coma SIÑOR pa i juda elis; el i pui sukuru na metadi di bos ku ejipsius; i tisi mar riba delis, i kubri elis. Bo ujus oja ke ku N fasi na Ejitu. Dipus bo mora na lala, bo tarda la.

8“‘N tisi bos pa tera di amoreus ku moraba na utru banda di Jordon. E geria kontra bos, ma N pui elis na bo mon, N kaba ku elisNum 21.21-35 bo dianti. Bo toma konta di se tera.

9Oca Balak, fiju di Zipor, rei di moabitas, lanta pa geria kontra Israel, i manda comaNum 22.5-6 Balaon, fiju di Beor, pa i bin maldisua bos,

10ma ami N ka seta obi Balaon. Asin i fika i na bensuaNum 22–23; Lei 23.5; Is 54.17 bos. De manera N libra bos na mon di Balak.

11“‘Dipus, bo kamba Jordon, bo ciga na Jerikó. Moraduris di Jerikó e geria kontra bos, suma tambi amoreus, perizeus, kananeus, eteus, jirgaseus, eveus ku jebuseus, ma N da elis na bo mon.

12N manda bageraSai 23.28 bo dianti, ku serka elis, suma tambi ki dus rei di amoreus. I ka bo spada nin i ka bo mansasa ku tira elis.

13N da bos tera ku bo ka tarbaja, ku prasas ku bo mora nelis ma bo ka kumpu; bo na kume uvas ku azeitonas ku bo ka paranta se pes.’

14“Asin, bo rispita SIÑOR, bo sirbil ku korson limpu, ku bardadi. Bo bota foraKum 35.2; Sai 20.3-4; Ŝef 10.16; Ez 20.7,18 ki deusis ku bo papes sirbiba kontra e staba na utru ladu di riu Eufrates tambi na Ejitu; bo sirbi SIÑOR.

15Si bo ka konkorda pa sirbi SIÑOR, bo kujiKum 18.19; Lei 30.19; 1 Re 18.21 aos kin ku bo dibi di sirbi, si i ki deusis ku bo papes sirbiba na utru ladu di riu, o si i deusis di amoreus ku bo mora propi na se tera. Ma ami ku ña familia, no na sirbi SIÑOR.”

16Pobu ruspundi e fala: “Lunju di nos pa no bandona SIÑOR pa no bai sirbi utru deusis!

17SIÑOR i no Deus, i el ku fasinu, juntu ku no papes, sai na katiberasku na tera di Ejitu. El ku fasinu ki garandi sinalis dianti di no uju, i guardanu na tudu kamiñu ku no yanda nel, na metadi di tudu pobu ku no pasa.

18SIÑOR serka dianti di nos tudu e jinti, tudu ku amoreus ku moraba ne tera; anos tambi no na sirbi SIÑOR pabia i no Deus.”

19Josué fala pobu: “Bo ka na pudi sirbi SIÑOR, pabia i sedu Deus puruSai 34.7,14; Sir 11.44-45; 1 Sam 6.20; Is 6.3-5 ku ten siumi di bos; i ka na purda bo disobdiensia nin bo pekadu.

20Nin manera ku SIÑOR sedu bon pa bos purmeru, si bo largal, bo sirbi deusis strañu, i na rabida, i fasi bosKap 23.12-15; 1 Kron 28.9; 2 Kron 15.2; Esd 8.22; Is 63.10; 65.11-12 mal, i kaba ku bos.”

21Pobu fala Josué: “Nau! Ma no na sirbi SIÑOR.”

22Josué fala pobu: “Bo sedu tustumuñas kontra bo kabesa propi kuma bo kuji SIÑOR pa bo sirbil.” E ruspundi: “No sedu tustumuñas.”

23Josué fala elis: “Bo bota fora deusis strañu ku sta na bo metadi, bo ntrega bo korson pa SIÑOR Deus di Israel.”

24Pobu fala Josué: “No na sirbi SIÑOR no Deus; no na obdisi palabra ki fala.”

25Na ki dia Josué fasi kontratuLei 5.2; 2 Re 11.17; 2 Kron 29.10; Ne 9.38 ku pobu. La na Siken i da elis regras ku leis.

26I skirbi ki palabras na libru di lei di Deus; i toma un pedra garandi, i firmantal bas di karvaju ku staba lungu di kau sagradu di SIÑOR.

27Josué fala tudu pobu: “Ali e pedra i na sedu tustumuñuKap 22.27 pa nos, pabia i obi tudu palabras ku SIÑOR kontanu. Tambi i na sedu tustumuñu kontra bos pa bo ka konta mintida pa bo Deus.”

28Asin Josué dispidi pobu; kada kin bai pa si propi kasa.

Mortu di Josué ku di Eleazar

29Dipus de kusas, Josué, fiju di Nun, servu di SIÑOR, i muri ku sentu i des anu.

30E nteral na tera di siKap 19.50; Ŝef 2.9 yardansa, na Timnat-Sera, ku sta na monti di Efrain, na norti di monti di Gaás.

31Israel sirbi SIÑOR duranti tudu vida di Josué, ku tudu vida di garandis ku kontinua vivi dipus di Josué, ku sibi tudu ke ku SIÑOR fasiba pa Israel.

32Tambi, na Siken,Kap 17.7; Kum 33.19; 50.25; Sai 13.19 e ntera os di José, ku fijus di Israel tisi desdi Ejitu. E nteral na ki terenu ku Jakó kumpraba na mon di fijus di Amor, pape di Siken, pa sen mueda di prata. Ki terenu yardadu pa jorson di José.

33Eleazar,Kap 14.1; Sai 6.23,25; Sir 10.6; Num 3.32; 27.2; 31.6; 1 Kron 6.4; 24.1-6; Esd 7.5 fiju di Aron, muri tambi; e nteral na monti ku si fiju FineiasKap 22.13,30-32; Num 25.7-13; Ŝef 20.28; Esd 8.2; 1 Kron 6.4; 9.20; Sal 106.30-31 dadu na montaña di Efrain.