2 Pedru 1 - Portuguese Creole Bible, Guinea-Bissau

Kumsada ku manteña

1Ami Simon Pedru, servu ku apostoluRom 1.1; Mat 10.2 di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

2N misti pa bo kunsi Deus mas diritu, ku Jesus no Siñor, pa i pudi buri bos faburRom 1.7 ku pas.

Ke ku krenti dibi di fasi

3Puder di Deus danu tudu ki pirsis pa no tene un vida ku Deus misti, suma ku no kunsiJon 17.3; 1 Tes 2.12 kil ku comanu pa si gloria ku garandesa.

4Pabia de gloria ku garandesa ku manda i fala i na danu garandi kusas di balur, ku pui pa bo pudi kapli di podrisa ku sta na mundu pabia di diseẑus mau, pa bo pudi toma parti na naturesaEf 4.24; Eb 12.10; 1 Jon 3.2 di Deus.

5Pabia de kusas, bo pui tudu forsa pa buri bondadiRom 15.14; Gal 5.22 riba di bo fe, pa buri kuñisimentuKap 3.18; Dit 1.7; Os 4.6; 1 Kor 12.8 riba di bondadi.

6Riba di kuñisimentu bo buri puder di manda riba di bo kurpu; riba di manda na bo kurpu bo buri2 Kor 6.4,6 pasensa; riba di pasensa bo buri rispitu pa Deus;

7riba di rispitu pa Deus bo buri ermondadi; riba di ermondadi bo buri1 Tes 3.12; 1 Jon 4.21; Jon 13.34 amor.

8Si e kusas sta na bos kada bias mas ciu, e ka ta disa bos pa bo seduTitu 3.14 amonton, sin da frutu na kuñisimentu di no Siñor Jesus Kristu.

9Kilis ku ka tene e kusas e segu; e ta oja1 Jon 2.9-11 son di pertu; e diskisi kuma e limpadu se pekadu ke fasiba ja.

10Asin ermons, bo fasi forsa kada bias mas pa probaKap 3.17; 1 Jon 3.18-19 kuma na bardadi bo comadu, bo kujidu. Si bo fasi asin, nunka mas bo ka na kai.

11Bo ta dadu entrada largu i libri na renu ku ka ta kaba di no Siñor i Salbadur Jesus Kristu.

12Asin N ka na disa di lembra bos sempri de kusas, kontudu bo sibi elis, bo sta firmadu na bardadi ku bo tene ja.

13N oja kuma i bon pa N lembranta bos de kusas li, nkuantu inda N sta ku vida.

14N sibi kuma N pertu jaLei 31.14; Jon 21.18-19; 2 Tim 4.6 disa e kurpu pa N bai, suma ku no Siñor Jesus Kristu mostran,

15ma N na fasi forsa pa juda bos, pa, dipus di ña mortu, bo pudi lembra de kusas sempri.

Tustumuñas di gloria di Kristu

16Oca ku no fasi bos sibi puder di no Siñor Jesus Kristu, manera ki bin, no ka konta bos storia ku omi filanta ku jiresa, ma anos propi no ojaMat 17.1-2,5-6 si garandesa di rei.

17I risibi di Deus si Pape onra ku gloria, oca vos sai na gloria mas altu, ku papia ku el, i fala: “Es i ña Fiju ku N kiri ciu; N ten garandi kontentamentu nel.”

18Anos propi no obi ki vos ku bin di seu oca no staba ku el na monti sagradu.

19Asin no ten inda mas fiansa na palabra ku anunsiaduris fala. I bon pa bo pui sintidu nel, pabia i suma lusSal 119.105; Is 8.20; 2 Kor 4.4,6; Apok 2.28; 22.16 ku na numia na kau sukuru, tok sol mansi, strela di parmaña parsi na bo korson.

20Purmeru bo dibi di rapara kuma ningin ka pudi ntindi anunsiu di Skritura son pa si kabesa,

21pabia nin un anunsiu ka bin son di pensamentu di omi, ma i Spiritu Santu2 Sam 23.2; Luk 1.67,70; At 1.16; 3.18; 2 Tim 3.16 ku leba omis pa e fala palabras ku bin di Deus.