1Abo, bu dibi di fala kil ki diritu konformi bon nsinamentu.
2Konsija omis beju pa e sedu seriu, ku bon juisu, ku pudi guberna se kabesa, ku kunsi bardadi, e fia nel, ku ten amor, ku firmesa.
3Minjeris beju tambi, konsija elis pa e yanda ku rispitu pa Deus, pa ka e konta mintida pa utru, nin pa ka e bibi biñu ciu, pa e nsina kil ki bon,
4pa e trena minjeris nobu ama se omis ku se fijus, pa e sibi guberna se kabesa,
5pa e sedu puru, e sedu bon, pa e sibi guberna se kasa diritu, e rispita se omis, pa ka da motivu pa jinti fala mal di palabra di Deus.
6Konsija rapasis1 Ped 5.5 nobu tambi pa e sedu brandu na tudu.
7Abo propi, bu ten ku sedu1 Tim 4.12 isemplu na tudu, ku bon tarbaju ku bu na fasi. Na bu nsinamentu bu ten ku sedu seriu, sinseru;
8bu ten ku ten bon palabraMar 12.28,32,34; Kol 4.6 ku ningin ka pudi kulpau nel, pa kilis ku sta kontra e ta burguñu, pabia e ka ten nin un mal di falaNe 5.9 kontra nos.
9Konsija katibusEf 6.5 pa e obdisi se dunus na tudu, pa e pui elis kontenti. Ka e ba ta ruspundi mal;
10ka e ba ta toma kusa ku se dunu ka da elis, ma e ten ku mostra sedu sempri bon i fiel, pa e sedu un bon fajamentuMat 5.16; Fil 2.15 na tudu kusa pa nsinamentu di Deus no Salbadur.
11Deus mostra tudu jintiLuk 3.6; Jon 1.9; Rom 5.15 si fabur ku ta salba,
12pa nsinanu nega vida mau ku tudu diseẑu di mundu, pa no sibi guberna no kabesa ne mundu di gosi, no seduLuk 1.75; Rom 6.19 retu, no yanda suma ku Deus misti,
13kontra no na pera1 Kor 1.7 ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.
14El i da si vida pa libertanuMat 20.28 di tudu maldadi, pa fasinu un pobuSai 19.5-6 puru ku pertensil, ku ten vontadi pa fasi bon tarbaju.
15Nsina e kusas, bu konsija, bu raprindi1 Tim 4.12; 5.20 elis ku tudu otridadi. Ka bu disa ningin lebsiu.
Who We AreWhat We EelieveWhat We Do
2025 by iamachristian.org,Inc All rights reserved.
