Jo 16 - Portuguese Creole Bible, Guinea-Bissau

Jo akusa si kumpañeris

1Jo ruspundi i fala:

2“N obi ja manga di kusa suma es.

Abos tudu i konsoladuris ku mas ta buri algin dur.

3E palabras di bentu nunka e ka na kaba?

Ke ku ta cuci bos pa bo papia de manera?

4Si i abos ku staba ne kau ku N sta nel,

N pudiba papia suma bos,

N balansa kabesa,

N buri palabras riba di bos.

5Ma kusa ku N na fasiba, N na daba bos koraẑen;

ña palabra di konsolason na kalma bo dur.

6“Ma gosi, si N papia, ña dur ka na para;

si N kala, i ka na kalma.

7O Deus, bu tiran ña forsa,

bu kaba ku tudu ña familia.

8Bu pui ña peli nornori;

ña magresa lanta i na testifika kontra mi.

9“Na si raiba i pirsigin, i sapa-sapan;

i ñeme dintiKap 10.16-17; Mis 2.16 kontra mi;

ña inimigu jubin ku odiu.

10Jinti yabri boka pa fasin trosa,

e dan bofotada1 Re 22.24; Is 50.6; Mis 3.30; Mat 26.67; At 23.2 ku disprezu,

e junta tudu kontra mi.

11Deus ntregan na mon di jinti mau,

i pun pa N kai na mon di kilis

ku ka mporta ku Deus.

12Tudu staba ben ku mi, ma el i kebrantan,

i pegan na garganti, i kalkan;

i pun pa N sedu alvuKap 7.20 pa si fleŝa.

13Si jinti tajan ku mansasa.

I furan na kosta, sin sinti pena;

ña fel darma na con.

14I ta bin pa mi ku kastigu riba di kastigu;

i ta bin ku forsa riba di mi suma omi di gera.

15“N kusi saku, N kubri kurpu ku el,

N pui ña kabesa na reia.

16N cora tok ña rostu fika burmeju;

sombra di mortu na ronda ña uju,

17ma ami N ka tene violensia na ña mon;

ña orasonSal 66.18-19 i puru.

18“O Con! Ka bu kubriKum 4.10-11; Is 26.21 ña sangi;

ka bu da ña grituTia 5.4 kau di sukundi!

19N sibi kuma ña tustumuña1 Sam 12.5; Rom 1.9; 2 Kor 1.23; 1 Tes 2.10 sta na seu;

la riba i ten algin ku na difindi ña kasu.

20Ña amigus na fasin trosa;

ña ujus na sai yaguKap 16.16; Sal 6.6-7; Mis 1.16; Eb 5.7 dianti di Deus.

21A! Si i ten algin ku pudi pidi Deus pa omi,

suma ku un omi ta roga pa si amigu!

22Pabia dentru di puku anus

N na pega un kamiñu nunde ku N ka na ribaKap 7.9-10 nel.