Ditus 27 - Portuguese Creole Bible, Guinea-Bissau

1Ka bu njata pa dia di amaña, pabia bu ka sibiLuk 12.19-20; Tia 4.13-15 ke ki na tisiu.

2Utru ku pudi ngabau, i ka abo ku na ngabaKap 25.27 bu kabesa.

3Pedra i pisadu, reia tambi, ma raiba di tulu i mas pisadu di ki elis tudu.

4Raiba ta fasi dur, i suma turbada, ma kin ku pudi nguentaKap 6.34; 14.30; Jo 5.2; Mat 27.18; At 7.9; 17.5; Tia 3.14-16; 1 Jon 3.12 nveẑa?

5I minjor algin raprindiu klaruKap 28.23; Sir 19.17; Mat 18.15; Gal 2.14 te pa i sukundi si amor.

6Amigu ku amau i pudi dau dur, ma i pabia i fiel.Kap 26.23-26; 2 Sam 20.9-10; Jo 5.17-18; Sal 141.5; Mat 26.48-50 Beẑu di algin ku ka gosta di bo i di nganu.

7Algin ku farta i ta masa bagus di mel, ma kil ku tene fomi, tudu kusa malgosLuk 15.16 i ta sabi pa el.

8Omi ku ta yanda-yanda lunju di si kasa i suma kacu ku ta bua lunju di si niñu.

9Suma oliu ku purfumu ta kontenta korson, asin ku amigu ta kontenti ku konsiju di amor.

10Ka bu bandona bu amigu nin amigu di bu pape. Ka bu bai pa kasa di bu ermonKap 17.17; 18.24; Luk 10.30-37 na dia ku bu foronta; visiñu pertu i minjor di ki ermon ku mora lunju.

11Ña fiju, sedu jiru, bu pun pa N kontenti,Kap 10.1 pa N pudi sibi ruspundi kil ku njutin.

12Jiru ta ojaKap 22.3 pirigu, i bai sukundi, ma kil ku ka ta pensa i ta bai son pa dianti, i ta bin sufri.

13Si algin fika suma fiadurKap 6.1 pa algin ku ka kunsidu, tomal si ropa, bu mpiñal.

14Si algin bensua si visiñu parmaña sedu ku vos altu, si benson i na tomadu suma maldison.

15Minjer ku ta jusia ciu i suma pinguKap 19.13 di cuba ku ta kai tudu dia riba di lata.

16Pa kalantal i suma paranta bentu, o pega azeiti na mon.

17Suma ku feru ta fia feru, asin ku un omi ta prindi di si kumpañer.

18Kil ku toma konta di pe di figu i na kume1 Kor 9.7,13 si fruta. Kil ku ta jubi dirituKap 22.29 pa si patron i na rispitadu.

19Manera ku yagu ta mostra rostu sumaTia 1.23-25 spiju, asin ku korson di omi ta mostra kil ki sedu.

20Nfernu ku mundu di mortus ka taKap 30.15-16; Ekl 1.8; 5.10-11; 6.7; Jer 22.17; Ab 2.5 farta, suma ku uju di omi ka ta farta.

21Suma ku prata ku uru ta probaduKap 17.3 na fugu, karater di omi ta probadu ora ki ngabadu.

22Nin si bu suta tulu tok buIs 1.5; Jer 5.3; Apok 16.10-11 kansa, si tulesa ka na sai nel.

23Buska sibi kuma ku bu karnel sta, bu kuda di bu limarias.

24Rikesas ka na fikaKap 23.5 pa sempri, nin koroa ka ta bai sempri pa fijus ku netus.

25Ora ku fenu tiradu i ta sai nobu fojas. Dipus algin ta junta pajaSal 104.14 di montis.

26Fijus di karnel pudi dau di bisti; bu pudi bindi kabras macu, bu kumpra utru lugar.

27Liti di kabras na ciga pa sustentau ku bu familia, ku bu bajudas.