1SIÑOR fala Moisés
2pa i papia ku Aron ku si fijus, ku tudu fijus di Israel, i fala elis: “Es i ordi ku SIÑOR da.
3Kualker algin di Israel ku sakrifika turu o karnelsiñu o kabra, dentru di kampamentu o fora,
4i ka tisil pa entrada di tenda di juntamentu pa pursental suma oferta dianti di tendaLei 12.5-6,10-16 di SIÑOR, ki omi i na ojadu kulpadu di darma sangi; i na tiradu na metadi di si pobu.
5Es ordi i pa fijus di Israel: Te pa e sakrifika limarias la na matu, pa e tisi elis pa SIÑOR, na entrada di tenda di juntamentu, pa saserdoti, pa e pursental pa SIÑOR suma oferta di pas.
6Saserdoti na ferca sangi kontra ladu di altar di SIÑOR, na entrada di tenda di juntamentu, i na kema gurdura suma un kusa ku na cera sabi pa SIÑOR.
7Nunka mas e ka na sedu infiel pa mi, e pursenta se sakrifisius pa dimonius.Kap 20.1-6; Sai 34.15; Lei 32.17; 2 Kron 11.15; Sal 106.37; 1 Kor 10.20; Apok 9.20 Es i na sedu lei ku na dura pa sempri na se jorsons.
8“Kualker algin di Israel, o stranjeru ku mora na se metadi, ku pursenta oferta kemadu o sakrifisiu,
9i ka tisil na entrada di tenda di juntamentu, pa sakrifikal pa SIÑOR, ki omi ten ku tiradu na metadi di si pobu.
10“Kualker algin di Israel, o stranjeru ku mora na se metadi, ku kumeKap 3.17 sangi, N na vira kontra ki algin, N na tiral na metadi di si pobu, manera ki kume sangi.
11Vida di un kriatura sta na sangi; N dau el pa bu pudi fasi sirmonia ku el riba di altar, pabia sangi, ku sedu vida, el ku ta tira pekadu.Mat 26.28; Rom 3.25; 5.8-9; Ef 1.7; Kol 1.20; Eb 9.14,22; 13.12; 1 Jon 1.7; Apok 1.5
12E ku manda N fala fijus di Israel kuma, nin un di bos, nin stranjeru ku mora na bo metadi, ka pudi kume sangi.
13“Kualker omi di Israel, o stranjeru ku mora na se metadi, ku bai montia limaria o kacu ku ta kumedu, i ten ku tira tudu sangi, i kubril ku reia,
14pabia vida di kada kriatura i si sangi. E ku manda N fala fijus di Israel pa ka e kume sangi di nin un limaria, pabia vida di tudu kriatura i sedu si sangi. Kualker algin ku kumel i na tiradu na metadi di pobu.
15“Kualker algin, nin ki sedu fiju di tera o stranjeru, ku kume limaria ku muri,Kap 11.25; 22.8; Sai 22.31; Lei 14.21; Ez 4.14; 44.31 o ku limaria brabu sapa-sapa, i ten ku laba si ropa, i laba si kurpu ku yagu; i na fika impuru te di tardi, dipus i na sedu puru.
16Si i ka laba si ropa nin i ka laba kurpu, i na ojadu kulpaduNum 19.20 di si pekadu.”
Who We AreWhat We EelieveWhat We Do
2025 by iamachristian.org,Inc All rights reserved.
