1SIÑOR i garandi, i mersi ngabadu,
na prasa di no Deus, na si monti sagradu.
2Monti di Sion, prasaKap 50.2; Mis 2.15; Mat 5.35 di garandi Rei,
i bonitu, i altu, alegria di tudu mundu;
i sta na ladu di norti.
3Na si palasius Deus i kunsidu
suma kau altu di suguransa.
4Jubi kuma ku reis ruma,
e bai junta.
5E oja Sion, e fika dimiradu;
e inci ku medu, e kuri kinti-kinti.
6E kumsa na tirmi ku forsa,
e sinti dur suma minjer na partu.
7Bu kebranta elis, suma ku bentu di saida di sol
ta kebra barkusEz 27.25-26 di Tarsis.
8Suma ku no obi, asin ku no oja
na prasa di SIÑOR ku ten tudu puder,
ku sedu prasa di no Deus.
Deus na firmantal suguru pa sempri.
Sela
9Dentru di bu kasa, o Deus,
no ta lembra di bu bondadi.
10Suma ku bu nomi i garandi,
asin ku bu fama ta yangasa tudu parti di mundu.
Bu mon direita ta guberna ku justisa.
11Monti di Sion, tudu ku prasas di Judá,
e na fika kontentiKap 97.8 pabia di bu julgamentus.
12Bo yanda na roda di Sion, na tudu ladu;
bo fasi konta di si toris;
13bo jubi diritu pa si muras,
bo nota pa si kaus forti,
pa bo pudi konta jorson ku na bin.
14E Deus i no DeusIs 25.9 pa sempri;
el i na sedu no giaKap 32.8; 73.24 te na mortu.
Who We AreWhat We EelieveWhat We Do
2025 by iamachristian.org,Inc All rights reserved.
