1 Reis 11 - Portuguese Creole Bible, Guinea-Bissau

Salomon disvia

1Rei Salomon bin ama manga di minjerKap 3.1; Kum 2.24; Lei 17.17; Ne 13.23-27 di utru teras; fora di fiju di Faraó i kasa ku minjeris eteu, ku minjeris di Moab, Amon, Edon ku Sidon.

2SIÑOR papiaba ku fijus di Israel aserka di ki nasons, i fala elis: “Ka bo kasaSai 34.16 ku elis, pabia e na tursi bo korson pa bo bai tras di se deusis.” Ma Salomon bin ligaKap 16.31-33; Num 25.1-6; Ŝef 16.4-21; 2 Kron 21.6; 2 Kor 6.14-16 ku elis ku amor.

3I kasa ku setsentus minjer ku seduba fijus di rei; i teneba tambi trizentus kumadri. Ki minjeris pul pa i disvia.

4Oca ku Salomon bejuba ja, si minjeris tursil korsonKap 8.61; 9.4; 1 Kron 28.9; 29.19 pa i bai tras di utru deusis. Asin si korson ka seduba pirfitu pa SIÑOR si Deus suma korson di si pape Davi.

5I yanda tras di Astarot,Kap 11.7; Ŝef 2.13 deus femia di Sidon, ku Milkon, ki deusSir 18.21 nujenti di Amon.

6Asin Salomon fasi mal dianti di SIÑOR; i ka yanda ku SIÑOR suma si pape Davi.

7Na monti dianti di Jerusalen Salomon kumpu un kauNum 33.52; 2 Re 21.3; 23.13-14; Sal 78.58 sagradu pa Kemós,Num 21.29 deus nujenti di Moab, ku utru pa Molok, ki deus nujenti di Amon.

8Asin ki fasi pa tudu si minjeris stranjeru, ku ta kemaba nsensu, e sakrifika pa se deusis.

9SIÑOR bin ten raiba di Salomon, manera ku si korson disvia di SIÑOR, Deus di Israel, kil ku binbaKap 3.5; 9.2 pa el dus bias,

10i dal ordi pa ka i yanda trasKap 9.6 di utru deusis. I ka obdisi ordi di SIÑOR.

11Asin SIÑOR fala Salomon: “Suma ku bu sta asin, bu kebra ña kontratu, bu ka obdisi ña leis ku N mandau, N na rumpi e renuKap 12.15-16,20; 14.8; 1 Sam 15.26-28 na bu mon, N na dal pa un di bu ŝefis. E kusa ka na maina.

12Ma N ka na fasil na bu tempu, pa amor di bu pape Davi. N na rumpil na mon di bu fiju.Kap 21.29; 2 Re 20.17-19; 22.19-20

13N ka na tiral renu ntidu; N na dal un jorsonKap 11.32,36; Kap 12.20; 15.4-5; 2 Sam 7.15-16; 2 Re 19.34; 2 Kron 21.7 pa amor di ña servu Davi, ku amor pa Jerusalen, ki prasaLei 12.5,11; Sal 132.13-14; Is 62.1 ku N kuji.”

Inimigus di Salomon

14Asin, SIÑOR lantanda un inimigu kontra Salomon, ku sedu Adad, di familia di rei di Edon.

15-16Na tempu ku rei Davi ngaña gera riba di Edon, Joab, ŝef di tropas, ku tudu omis di Israel, e bai la pa ntera mortus, e fika la seis mis, tok e kaba mata tudu omis na Edon,

17ma Adad, ku seduba rapasiñu, i kuri pa Ejitu ku utru omis edomeu, ŝefis ku ta sirbiba si pape.

18E sai di Midian, e bai pa Paran. E leba utru omis di Paran ku elis, e bai ciga nunde Faraó, rei di Ejitu, ku da Adad un kasa ku terenu, i sustental ku kumida.

19Faraó gostaba ciu di Adad, i bin dal minjer, ku sedu irma di si minjer, raiña Tafnes.

20Irma di Tafnes padi un fiju, Jenubat, ku Tafnes kria na kasa di Faraó. Asin Jenubat fikaba la juntu ku fijus di Faraó.

21La na Ejitu Adad obi kuma Davi muriba ja, kuma Joab, ŝef di tropas, staba mortu tambi. I fala Faraó: “Disan pa N riba pa ña tera.”

22Faraó puntal: “Bu tene falta di kualker kusa li ku manda bu misti riba pa bu tera?” I falal: “Nada ka faltan, ma disan bai.”

23Deus lantanda utru inimigu, ku sedu Rezon, fiju di Eliada, ku kuriba di si mestre, Adad-Ezer,2 Sam 8.3; 10.16-19; 1 Kron 18.5-6 rei di Zobá.

24I junta un grupu di omis rebeldi, i sedu se kapiton, na tempu ku Davi mata tropas di Zobá. Rezon ku si omis bai pa Damasku,Kap 19.15; 20.34; Kum 14.15; 15.2; 2 Sam 8.5-6; 2 Re 8.7; 14.28; 16.9; Is 17.1; Jer 49.27; Am 1.3-5; At 9.2 e mora la, e toma konta di ki tera.

25Rezon bin sedu rei di Siria, i tenba odiu di Israel, i seduba si inimigu duranti tudu ki tempu ku Salomon staba di vida. Asin i buri mal riba di kil ku Adad na fasiba.

Jeroboan

26Utru omi ku lanta kontra rei Salomon i un di si ŝefis di tarbajaduris, Jeroboan,Kap 12.2,20; 13.1-6,33-34; 14.1-20; 15.30; 16.3; 21.22 fiju di Nebat, di Zeredá na tera di Efrain. Si mame seduba viuva comadu Zeruá.

27I kontisi asin: Salomon kumpuba ja Milu, i tapaba burakus na mura di prasa di si pape Davi.

28Jeroboan seduba joven kapas. Oca ku Salomon rapara kuma ki tarbaja ku vontadi, i pul pa i sedu ŝef di tarbaju obrigatoriu na tera di José.

29Un dia, oca Jeroboan na saiba di Jerusalen, anunsiadurKap 12.15; 14.1-18; 2 Kron 9.29 Aías, di Siló, kontra ku el na kamiñu. E staba elis dus son na ki kau. Aías bistiba panu nobu.

30I tiral, i rumpil1 Sam 15.27-28 na dozi padas.

31I fala Jeroboan: “Toma des padas pa bo, pabia SIÑOR Deus di Israel fala asin: ‘N na rumpiKap 11.11-12 renu na mon di Salomon, N na dau des jorson.

32El i na fika ku un jorson, pa amor di ña servu Davi, ku amor pa Jerusalen, ki prasa ku N kuji na metadi di tera di tudu jorsons di Israel.

33N na fasi asin pabia Salomon disan, i mpina dianti di Astarot, deus femia di jinti di Sidon, ku Kemós, deus di jinti di Moab, ku Milkon, deus di fijus di Amon. I ka yanda na ña kamiñus, i ka fasi kusa retu ña dianti, i ka obdisi ña leis ku ordis suma ku si pape Davi fasi.

34Ma N ka na tira renu na si mon; N pul pa i sedu rei pa tudu si vida, pa amor di ña servu Davi, kil ku N kuji, ku obdisi ña mandamentus ku ña leis.

35N na tira renu na mon di si fiju, N na dau desKap 12.17,20 jorson.

36N na da un jorson pa si fiju, pa ña servu Davi pudi tene sempri un lus ña dianti na Jerusalen, ki prasa ku N kuji pa N pui ña nomi nel.

37Ma abo, N na pou pa bu rena riba di tudu ku bu misti; bu na sedu rei di Israel.

38Si bu obi tudu ku N mandau, bu yanda na ña kamiñus, bu fasi kil ki retu ña dianti, bu obdisi ña leis ku ña mandamentus, suma ku ña servu Davi fasi, N na sta ku bo, N na dau Israel, N na konfirma bu familia na renu, suma ku N konfirma kil di Davi.

39Pabia di pekadu di Salomon N na kastiga jorson di Davi, ma i ka pa sempri.’ ”

40Asin, Salomon buska manera di mata Jeroboan, ma i lanta, i kuri pa Sisak, rei di Ejitu, i fika la tok Salomon muri.

Mortu di Salomon(2 Kron 9.29-31)

41Tudu utru kusas ku pasa na renansa di Salomon, tudu ki fasi, ku si jiresa, e sta skritu na libru di Storia di Salomon.

42I rena na Jerusalen riba di tudu Israel pa korenta anu.

43I bin diskansa, i nteradu na prasa di si pape Davi. Si fiju Reoboan rena na si lugar.