Salmus 116 - Portuguese Creole Bible, Guinea-Bissau

1N ama SIÑOR, pabia i obi ña vos

oca ku N rogal.

2Manera ki mpina si oreja pa mi,

N na comal nkuantu N tene vida.

3KordasJona 3.5 di mortu maran,

mundu di mortu meduñu i toma konta di mi;

N kai na kasabi ku tristesa.

4Asin N coma nomi di SIÑOR, N fala:

“O SIÑOR, salban!”

5SIÑOR i bon, i justu;

no Deus ta sinti pena.

6SIÑOR ta toma konta di jinti simplis;

ocan forontadu, el i salban.

7Ña alma, torna fika diskansadu,

pabia SIÑOR fasiu ben.

8Abo, SIÑOR, bu salban di mortu,

bu libra ña uju di larma,

bu libra ña pe di kai,

9pa N pudi yanda bu dianti, SIÑOR,

na mundu di jinti bibu.

10N fia; e ku manda2 Kor 4.13 N papia.

N forontaba dimas.

11N turmenta, N fala: “Tudu jinti i falsu!”

12Ke ku N na da SIÑOR

pa tudu kusas bon ki fasi pa mi?

13N na toma kopu di salbason,

N coma nomi di SIÑOR.

14N na kumpri ña votusKap 116.18; 22.25; Jona 2.9 pa SIÑOR

dianti di tudu si pobu.

15Jinti ku pertensi Deus, ora ke muri,

se mortu ten balur na uju di SIÑOR.

16O SIÑOR, N sedu bu katibu;

N sedu katibu suma ña mame;

bu dismanca korenti ku maran.

17N na pursentau sakrifisiuSir 7.12 di gardisimentu,

N coma nomi di SIÑOR.

18N na kumpri ña votusKap 116.14 pa SIÑOR

dianti di tudu si pobu,

19na kasa di SIÑOR, na Jerusalen.

Bo ngaba SIÑOR!