Mateus 28 - Portuguese Creole Bible, Guinea-Bissau

Jesus lanta di mortu(Mar 16.1-8; Luk 24.1-12; Jon 20.1-18)

1Oca dia di diskansu pasa, sol na mansi ja pa purmeru dia di semana, Maria Madalena ku ki utru Maria e bai jubi koba.

2I tenba un garandi tirmiduraAt 16.26 di tera, pabia un anju di Siñor disi di seu, i bai, i rola ki pedra pa ladu, i sinta riba del.

3Si parsensaDan 10.6; Apok 1.14-16 i suma relampagu, si ropa branku fandan suma algadon.

4Ki guardas panta dimas, tok e na tirmi, e fika suma mortu.

5Anju fala minjeris: “Ka bo medi. N sibi kuma bo na buska Jesus ku krusifikadu.

6I ka sta li, pabia i lanta di mortu, suma kiKap 12.40; 16.21 fala. Bo bin jubi lugar nunde ki ditandaduba nel.

7Bo bai dipresa, bo fala si disipulus kuma i lanta ja di mortu, i na bai bo dianti paKap 26.32 Galileia; bo na ojal la. Ali N konta bos el.”

8E disa koba dipresa, ku medu ma tambi ku garandi alegria, e kuri pa bai konta si disipulus.

9Oca e na bai na kamiñu, Jesus bai kontra ku elis, i fala elis manteña. E bai pa el, e barsal na pe, e adoral.

10Jesus fala elis: “Ka bo medi. Bo bai fala ña ermons pa e bai pa Galileia; la e na ojan.”

Mintida di judeus

11Oca minjeris na baiba, utru di ki guardas bai pa prasa, e konta ŝefis di saserdoti tudu ku pasa.

12Ki ŝefis junta ku garandis, e filanta entri elis, e da soldadus manga di diñeru, e fala elis:

13“Bo fala kuma si disipulus bin di noti oca bo na durmi, e furta kurpu.

14Si gubernadur ciga di obi e kusa, no ta papia ku el, no libra bos.”

15Guardas toma diñeru, e fasi suma ke faladu. E storia laga na metadi di judeus te aos.

Jesus parsi pa si disipulus na Galileia(Mar 16.14-18; Luk 24.36-49; Jon 20.19-23; At 1.6-8)

16Si onzi disipulu bai pa Galileia, pa monti ku Jesus mostraba elis.

17Oca ke ojal, e adoral, ma utrus tenba duvida.

18Jesus ciga pertu, i fala elis: “N dadu tudu puderDan 7.14; Jon 13.3; 17.2; Rom 14.9; 1 Kor 15.24-28; Fil 2.9-11; Eb 1.2-3; 2.8; 1 Ped 3.22; Apok 17.14 na seu ku tera.

19Asin, bo bai pa jinti di tuduIs 52.10; At 2.38-39; Kol 1.23 nasons, bo fasi elis ña disipulus. Bo batisa elis na nomi di Pape, di Fiju ku Spiritu Santu.

20Bo nsina elisAt 2.42 pa e obdisi tudu kusas ku N manda bos. Ami N na sta ku bos tudu dia te na kabantada di tempu.’