1 Jon 2 - Portuguese Creole Bible, Guinea-Bissau

Kristu no Judadur

1Ña fijus, N na skirbi bos e kusas pa ka bo peka, ma si algin fasi un pekadu, no tene un algin justu, ku sedu Jesus Kristu, ku ta difindi pa nos diantiRom 8.34; 1 Tim 2.5; Eb 7.25; 9.24 di no Pape.

2I pabia di sakrifisiu di Kristu ku no pekaduJon 1.29; Rom 3.25 pudi tiradu; i ka son di nos, ma di jinti di tudu mundu.

3Si no obdisi mandamentu di Deus, no ta sibi kuma no kunsil.

4Si algin fala kuma i kunsil, ma i ka obdisi si mandamentu, i munturus; bardadiKap 1.6,8; 4.20 ka sta nel.

5Kil ku obdisiKap 4.12-13; Jon 14.21,23 si palabra, na bardadi, amor di Deus sta kompletu dentru del. Asin no ta sibi kuma no sta na Deus.

6Kil ku fala kuma i staJon 15.4-5 nel, i dibi di yanda suma ku Kristu yanda.

7Ña kiridu ermons, i ka nobu mandamentu ku N na skirbi bos, ma i mandamentu antigu ku sempri bo tene disnaKap 3.11; 2 Jon 5 di kumsada. E antigu mandamentu i palabra ku bo obi ja.

8Kontudu e mandamentuJon 13.34 ku N na skirbi bos i nobu, si bardadi i ta ojadu na Kristu, tambi na bos, pabia sukuruRom 13.12; Ef 5.8; 1 Tes 5.5 na bai; lus di bardadi na numia.

9Kil ku fala kuma i sta na lus ma i nfastiaKap 3.14-15 si ermon, te gosi i sta na sukuru.

10Kil ku ama si ermon i sta na lus; i ka ten nada nel ku ta pui algin mbaransa,

11ma kil ku nfastia si ermon i sta na sukuru; i na yandaJon 12.35 na sukuru; i ka sibi nunde ki na bai, pabia sukuru segal uju.

12Fijus, N na skirbi bos, suma ku bo pekadu purdadu pabia di nomi di Kristu.

13Papes, N na skirbi bos, pabia bo kunsi kil ku sedu disnaKap 1.1; Jon 17.3 di kumsada. Jovens, N na skirbi bos, pabia bo vensi ki malvadu.

Fijus, N skirbi bos, pabia bo kunsi no Pape.

14Papes, N skirbi bos, pabia bo kunsi kil ku sedu disna di kumsada. Jovens, N skirbi bos, pabia abos i forti; palabraSal 119.11; Jer 31.33; Jon 15.7 di Deus sta na bos; bo vensi ki malvadu.

15Ka bo ama munduRom 12.2; Tia 4.4 nin kusas ku sta nel. Si algin ama mundu, amor di no Pape ka sta nel,

16pabia tudu ku sta na mundu, ku sedu kusas ku no kurpu ta dija, ku ujuKum 3.6; 6.2; Jos 7.21; Jo 31.1; Mat 5.29 ta oja i misti, ku vida di ronku, es tudu i ka di no Pape, ma i di mundu.

17E mundu naDit 10.25; 1 Kor 7.31; 1 Ped 1.24-25 pasa, ku tudu si diseẑus mau, ma kil ku na fasi vontadi di Deus i na fika pa sempri.

Inimigu di Kristu

18Ña fijus, es i ora di kabantada. Suma ku bo obi kumaMat 24.5; 2 Tes 2.3; 2 Ped 2.1 anti-kristu na bin, manga di anti-kristu parsi ja. Es ta mostranu kuma no sta ja na ora di kabantada.

19E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu1 Kor 11.19; 2 Tim 2.19 klaru kuma elis i ka di nos.

20Deus darma Spiritu Santu riba di bos; bo ntindiJon 14.26; 16.13 tudu.

21I ka suma bo ka kunsi bardadi ku manda N na skirbi bos, ma pabia bo kunsil; tambi bo sibi kuma nin un mintida ka ta sai na bardadi.

22Kin ki munturus si i ka kil ku negaKap 4.3 kuma Jesus i Kristu? I el propi ki anti-kristu, kil ku nega Pape ku Fiju.

23Kil ku nega Fiju, tambiJon 14.7; 15.23; 2 Jon 9 i ka tene si Pape. Kil ku seta Fiju, i tene tambi si Pape.

24Asin, bo ten ku rakada na bo korson ki palabra ku bo obi disna di kumsada. Si bo rakada ki palabra, bo ta sta sempri na unionKap 1.3; Jon 14.23 ku Fiju ku si Pape.

25Es i kusa ki fala i na danu: vidaKap 5.11; Jon 17.3 ku ka ta kaba.

26N skirbi bos e kusa aserka di kilis ku misti nganaKap 3.7; 2 Jon 7 bos.

27Spiritu Santu ku darmadu riba di bos i na fika ku bos. I ka pirsis pa algin nsinaIs 54.13; Jon 16.13 bos, pabia Spiritu ta nsina bos aserka di tudu kusas. El i bardadi; i ka ta konta mintida. Suma ki nsina bos, bo pega na Kristu.

28Ña fijus, bo pega nel, pa ora ki bin, no pudi ten fiansa; no ka na fika ku borgoña si dianti dia ki bin.

29Si bo sibi kuma el iKap 3.7,10; At 22.14 justu, bo sibi kuma tudu kin ku ta fasi kusa diritu i si fiju.