1 Kronikas 16 - Portuguese Creole Bible, Guinea-Bissau

1E leba arka di Deus, e pul dentru di tenda ku Davi yarmaba pa el; e pursenta ofertas kemadu ku ofertas di pas dianti di Deus.

2Oca ku Davi kaba pursenta ki ofertasSir 1.3; 3.1 kemadu ku di pas, i bensua pobu na nomi di SIÑOR.

3I pati kada omi2 Kron 35.7-8; Ne 8.10 ku kada minjer na Israel un pon, un bon padas di karni ku un bulu di uvas seku.

4Davi kuji utru levitas pa e fasi sirvis dianti di arka di SIÑOR, pa kanta, pa gardisi, pa ngaba SIÑOR Deus di Israel.

5Asaf seduba ŝef, ku Zakarias si sugundu. Jeiel, Semiramot, Jeiel, Matitias, Eliab, Benaia, Obed-Edon ku Jeiel e kujidu pa toka violas ku arpas; Asaf tenba ku toka simbalus.

6Saserdotis Benaia ku Jaaziel e tenba ku toka kornetas sempri dianti di arka di kontratu di Deus.

Kantiga di gardisimentu(Sal 105.1-15; 96.1-13)

7Na ki mesmu dia, pa purmeru bias, Davi ntrega Asaf ku si ermons kargu di kanta e kantiga pa ngaba SIÑOR.

8Bo ngaba SIÑOR, bo coma si nomi;

bo konta na metadi di nasons kusas ki fasi.

9Bo kanta pa el, bo ngabal ku kantiga,

bo papia di tudu kusas garandi ki fasi.

10Bo njata na si nomi sagradu.

Kilis ku ta buska SIÑOR,

pa e kontenti na se korson.

11Bo buskaIs 55.6; Am 5.6; Sof 2.3 SIÑOR, bo buska si forsa;

bo buska si pursensa sempri.

12-13Abos, si servus, jorson di Israel,

abos, fijus di Jakó, kilis ki kuji,

bo lembra di kusas garandi ki fasi,

si milagris, ku si palabras di julgamentu.

14El i SIÑOR no Deus;

si julgamentus sta na tudu parti di mundu.

15Bo ba ta lembra sempri di si kontratu,

ki palabra ki firmanta pa tudu tempu,

16ki kontratuKum 15.18; 17.2; 26.3; 28.13-14 ki fasi ku Abraon,

ki juramentu ki fasi pa Isak.

17I konfirmal pa Jakó suma lei,

i dal pa Israel suma kontratu ku ka ta kaba;

18i fala: “N na dau teraKum 12.7 di Kanaan

suma kiñon di bo yardansa.”

19Bo seduba inda puku na numeru,

puku omis, ospris na tera.

20Bo papes yanda-yanda

di un nason pa utru,

di un renu pa utru pobu.

21Deus ka disaKum 31.24,29,42; Ŝef 9.13-18 ningin kalka elis;

pa amor delis i raprindi reis, i fala:

22“Ka bo toka na jinti ku N kuji,

nin ka bo fasi ña anunsiaduris mal.”

23Abos di tudu mundu, bo kanta pa SIÑOR,

bo konta di si salbason kada dia.

24Bo diklara si gloria na metadi di nasons,

bo konta tudu rasas kusas garandi ki fasi.

25SIÑOR i garandi, i mersi ngabadu;

i mas mersi rispitu di ki tudu deusis,

26pabia tudu deusis di utru nasons e sedu idulus son,

ma SIÑOR, el ku kumpuKum 1.1 seu.

27El i un Rei gloriosu,Sal 8.1; 16.11; 96.6; Jon 17.24 rodiadu di garandesa;

forsa ku kontentamentu e ta inci si kau di mora.

28Abos, familias di nasons, bo glorifika SIÑOR,

bo ngaba si gloriaKap 29.10-13 ku si forsa,

29bo ngaba gloria di Nomi di SIÑOR.

Bo tisi ofertas, bo bin si dianti;

bo adora SIÑOR na bonitaskuSal 29.2 di si puresa.

30Tudu mundu pa i tirmi si dianti!

Mundu sta firmi; i ka pudi bulbulidu.

31Abos seu ku tera, bo kontenti!

Pa i diklaradu na metadi di nasons kuma SIÑOR na rena.

32Mar pa i somna, ku tudu ku sta nel;

Kampada pa i kontenti, ku tudu ku sta nel!

33Arvuris di matu na kanta

ku kontentamentu dianti di SIÑOR,

pabia i na bin pa julga mundu.

34Bo ngaba SIÑOR pabia el i bon;

si bondadi2 Kron 5.13; 7.3; 20.21; Esd 3.11; Sal 136; Jer 33.11 i pa sempri.

35Bo fala: “O Deus no Salbadur, salbanu,

bu juntanu, bu libranu di nasons,

pa no pudi gardisiu,

no ngaba bu nomi sagradu ku kontentamentu.”

36SIÑOR Deus di Israel,

pa i ngabadu pa sempri!

Tudu jintiLei 27.15-26; Ne 8.6; 1 Kor 14.16 fala “Amen,” e ngaba SIÑOR.

Organisason di kultus

37Davi fika Asaf ku si ermons dianti di arka di kontratu di SIÑOR, pa e fasi sirvisKap 15.17-24; 25.1-6; 2 Kron 8.14 la sempri, konformi kil ku lei manda pa kada dia.

38Tambi i fika Obed-Edon, fiju di Jedutun, ku elis tambi, ku si sesenta i oitu ermon. Obed-Edon2 Sam 6.10 ku Osa e seduba porterus.

39Davi fika tambi saserdoti Zadok, ku utru saserdotis si ermons, dianti di tenda di SIÑOR ku staba na kau altu1 Re 3.4 na Jibeon,

40pa pursenta ofertas kemadu pa SIÑOR riba di altar di ofertas kemadu, sempri parmañaSai 29.38-42 ku di tardi, konformi tudu ku sta skritu na lei ku SIÑOR da Israel.

41Eman ku JedutunKap 25.1 e staba ku elis, ku utru jinti ku kujidu, se nomis comadu, e nkargadu pa ngaba SIÑOR, pabia si bondadi i pa sempri.

42Eman ku Jedutun, elis ku ta tokaba kornetas ku simbalus, ku utru instrumentus di musika di Davi, ma fijus di Jedutun e ta guardaba porton.

43Tudu jinti bai, kada kin pa si kasa. Davi riba pa si kasa pa bensua si familia.