Ezekiel 31 - Portuguese Creole Bible, Guinea-Bissau

Sedru di Líbanu

1Na purmeru dia di terseru mis di anu 11, SIÑOR bin papia ku mi, i falan:

2“Fiju di omi, punta Faraó ku tudu si jinti:

‘Kin ku parsiu na bu garandesa?

3Pensa na Asiria ku seduba un sedru na Líbanu,

ku ramus bonitu ku ta da sombra,

di garandi altura;

si ponta staba riba di ramus ku manga di foja.

4Yagu tenba pa pul pa i kirsi,

fontis fundu na con pa pul pa i altu.

Si korentis ta kuriba pa regua kau ki parantadu;

e ta manda yagu na baletas pa tudu arvuris di monti.

5Asin i bin sedu mas altu di ki tudu arvuris di matu;

si ramus torna ciu, e kumpridu,

pabia di manga di yagu.

6Tudu kacus ku ta bua e ta puiba se niñus na si ramus;

tudu limarias di matu ta padi bas del;

tudu nasons garandi ta sintaba na si sombra.

7I seduba bonitu na si garandesa,

ku si ramus kumpridu,

pabia si rais staba lungu di manga di yagu.

8Nin un sedru na jardinKum 2.8; 13.10; Is 51.3; Joe 2.3 di Deus ka ciga si altura, ku fadi pa dal sombra;

nin un faia ka teneba ramu suma el;

nin un kastañera ka teneba ramus nobu suma el;

nin un arvuri na jardin di Deus

ka ta parsiba ku si bonitasku.

9I ami ku fasil bonitu ku si manga di ramu.

Tudu arvuri di Eden, jardin di Deus,

tenba nveẑa del.

10“‘Pabia di kila, ami, SIÑOR Deus, N fala: Suma ki bin sedu altu, tok si ponta staba riba di utru ramus, si korson inci orgulyuKap 28.17; Dan 5.20 pabia di si altura.

11Asin N na ntregal na mon di ŝef di nasons, ku na tratal konformi si maldadi. Ami N na botal fora.

12Ki nason stranjeru mas mau di tuduKap 28.7 kortal, i disal. Si ramus kai riba di montisKap 32.5; 35.8 ku tudu kobon. Si ramus nobu e kebradu e kai na tudu baletas di con. Tudu nasons ku sintaba na si sombra sai, e disal.

13Tudu kacus ku ta bua bin sinta nel dipus ki kai. Tudu limariasKap 32.4 di matu bin fika na metadi di si ramus.

14Asin i ka na ten arvuri pertu di yagu ku na kirsi na si altura, i lantanda si ponta riba di utru ramus. Nin kilis ku bibi yagu ka na bin fika ku orgulyu, e ciga na ki altura, pabia elis tudu e na ntregadu pa mortu, suma omis ku ta muri; e ten ku bai ku kilis ku na bai pa munduKap 32.18-32; Sal 63.9; Is 14.15 di mortus.’ ”

15Asin ku SIÑOR Deus fala: “Na dia ki disi pa mundu di mortus, N kubri yagu la bas suma sinal di cur. N para si korentis di yagu. N pui tera di Líbanu fika sukuru pabia del. Tudu arvuris di matu kumsa na seku.

16Oca ku N pui pa i ria na mundu di mortus, barujuKap 26.15 di si kaida pui pa nasons tirmi. Tudu arvuris di Eden ku arvuris mas bonitu di Líbanu, kilis ku ta bibi yagu ciu, e fika kontentiIs 14.8 na mundu la bas.

17Kilis ku judalba, ki nasons ku sintaba bas di si sombra, e na ria tambi ku el na mundu di mortus, juntu ku kilis ku matadu ku spada.

18“Kal arvuri di Eden ku parsi ku bo na bonitasku ku garandesa? Ma bu na riantadu ku arvuris di Eden pa mundu di mortus. Bu na dita na metadi di jinti ku kaKap 28.10; 32.19,21,24; Kum 17.10 sirkunsidadu, ku kilis ku matadu ku spada. Es i Faraó ku tudu si jinti.” Asin ku SIÑOR Deus fala.