Saida 27 - Portuguese Creole Bible, Guinea-Bissau

Altar di kema oferta(Sai 38.1-7)

1“Kumpu tambi un altar2 Kron 4.1 kuadradu di madera di akasia, 2,2 metru di kumprimentu ku di largura, ku 1,3 metru di altura.

2Di kuatru kantu bu na labra cifrisSir 4.7,18,25; 8.15; 16.18; 1 Re 1.50; 2.28; Sal 118.27 ku na forma un pesa son ku altar. Bu na kubril ku kobri.

3Kumpu tambi tudu si material di kobri: si kusas ku ta mitidu pa paña sinsa,Num 4.14; 1 Sam 2.13-14; 1 Re 7.40-45; 1 Kron 28.17; 2 Kron 4.11; Jer 52.18-19 si pás, basias, garfus ku fugarerus.

4Bu na kumpu pa ki altar grelias di kobri, na forma di redi; bu na kumpu kuatru anilia di metal pa si kuatru kantu.

5Bu na mitil na serku di altar pa bas, pa redi pudi ciga na metadi di altura di altar.

6Kumpu tambi varas pa altar di madera di akasia, bu kubril ku kobri.

7Ki varas na mitidu na anilias pa e sta na tudu dus ladu di altar ora ki na kargadu.Num 4.14-15

8Bu na kumpu altar ku taguas, sin nada dentru; suma ku bu mostradu na monti, asin ki na fasidu.

Kintal di tenda(Sai 38.9-20)

9“Bu na kumpu kurtinas di liñu finu tursidu pa tapa kintalKap 40.33; Num 3.26; 2 Sam 7.2 di tenda na ladu di sul. Kumprimentu di kada ladu i na sedu 44 metru.

10Tambi si vinti firkija ku se pes e na sedu di kobri. Ansolis ku kusas na firkijas ku ansolis ta pindra nel e na sedu di prata.

11Asin tambi, na ladu di norti, i na ten kurtinas di 44 metru di kumprimentu ku vinti firkija ku se pes di kobri. Ansolis ku kusas na firkijas ku ansolis ta pindra nel e na sedu di prata.

12“Na ladu di kintal pa kaida di sol i na ten kurtinas di 22 metru di kumprimentu, ku des firkija ku des pe.

13Na ladu di saida di sol, kintal na tene tambi 22 metru di kumprimentu.

14-15Na kada ladu di entrada i na ten 6,6 metru di kurtina, ku tris firkija ku se tris pe.

16“Na entrada di kintal i na ten un kurtina di 9 metru di kumprimentu, di lan azul, purpura ku burmeju, ku liñu finu tursidu. I na ten kuatru firkija ku se kuatru pe.

17Tudu firkijas na roda di kintal e na tene pes di kobri. Se ansolis ku kusas pa pindra nel e na sedu di prata.

18Kumprimentu di kintal na sedu 44 metru, si largura 22 metru, si altura 2,2 metru. Kurtinas na sedu di liñu finu tursidu; pes di firkijas na sedu di kobri.

19Tudu material di tenda ku na usadu na tudu tarbaju, ku tudu si stakas,Num 3.37; 4.32 na sedu di kobri.

Azeiti pa kanderu(Sir 24.1-4)

20“Da ordi pa fijus di Israel tisiu azeitiKap 25.6 puru di olivera piladu, pa kanderu, pa lus ba ta sindi sempri.

21AronKap 30.8; 1 Sam 3.3; 2 Kron 13.10-11 ku si fijus e na toma konta di kanderus na tenda di juntamentu fora di kurtina ku sta dianti di arka di kontratu, pa lus ba ta sindi dianti di SIÑOR disna di tardi te parmaña. Es i un lei pa fijus di Israel ku se jorsons di futuru, pa sempri.