1 Tesalonisensis 3 - Portuguese Creole Bible, Guinea-Bissau

1Suma ku no ka pudiba nguenta mas kudadi pabia di bos, no oja kuma no dibi di fika anos son na Atenas,

2no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,

3pa ka ningin bulbuliEf 3.13 pabia de pirsigison, pabia abos propi bo sibi kuma es i kusa ku markaduMat 10.16-18; 24.9; Jon 16.33; At 14.22 pa nos.

4Oca no staba inda ku bos, no jumna avisa bos kuma no ten ku pirsigidu; i el propi ku kontisi suma ku bo sibi.

5Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbajuGal 2.2 pudiba fika danadu.

6Gosi ku Timótiu riba di visita bos, i tisinu bon noba di bo fe ku bo amor, i kontanu kuma bo ta pensa sempri ben di nos, kuma bo misti ojanu suma ku no misti oja bos,

7asin ermons, ku tudu no kansera ku sufrimentu, no fika animadu2 Kor 7.6-7,13 ku bos pabia di bo fe.

8Gosi no ta sinti vida si bo sta firmi na Siñor.

9Kal manera ku no pudi gardisi no Deus pa bos pa tudu alegria ku no ten si dianti pabia di bos?

10Di dia kuAt 26.7 di noti no ta pidi ku tudu no korson pa i disanu oja bosRom 1.10-11 utru bias, pa no pudi buri bos kil ku na falta na bo fe.

11Pa Deus no Pape propi, ku no Siñor Jesus, yabrinu kamiñu pa no bai nunde bos.

12N misti pa Siñor pui bo amorKap 4.9; 2 Ped 1.7 pa i kirsi, i darma un pa utru, i pa tudu jinti, suma tambi ku no amor darma pa bos.

13N misti pa i fortifika bo korson, pa bo sedu puru, sin kulpa1 Kor 1.8; Jud 24 dianti di no Deus Pape ora ku no Siñor Jesus binZak 14.5; Jud 14 ku tudu kilis ku pertensil.