Jonas Introduson - Portuguese Creole Bible, Guinea-Bissau

IntrodusonManga di bias na Beju Testamentu no ta oja julgamentu di Deus riba di utru nasons, suma Sodoma ku Gomora, kananeus, amalekitas, tambi jorson di Benjamin na libru di Ŝefis 19—21, dipus de fasi garandi pekadu, e ka ripindi, ma na Ninive, kapital di Asiria, inimigu di Israel, Deus oja kuma jinti pudi sta pruntu pa ripindi; asin i mostra si amor pa elis, i purda elis. Jonas ka seduba bon misionariu ma, nin ku ’sin, Deus usal, i salba ki prasa. Asin, Asiria para geria kontra utru nasons; Israel diskansa.Nomi di Jonas i mensionadu na 2 Re 14.25, na renansa di Jeroboan II.Jesus fala aserka di storia di Jonas, i komparal ku si propi mortu ku resureison, ku dia di julgamentu (Mat 12.40-41). I ten pis garandi ku pudi nguli un omi; Deus purpara un delis, i mandal pa i fasi si vontadi.